Qaraqalpaqstan Respublikası Ministrler Keńesiniń Baslıǵı Farxod Ermanov Germaniyanıń elimizdegi ayrıqsha hám tolıq huqıqlı elshisi Manfred Huterer menen ushırasıwı bolıp ótti.

Ushırasıwda Ministrler Keńesiniń Baslıǵı Farxod Ermanov keyingi jılları elimizde barlıq tarawlarda alıp barılıp atırǵan reformalar, kún sayın bekkemlenip atırǵan isbilermenlik ortalıǵı hám xalıqaralıq birge islesiwdiń jańa basqıshqa kóterilip atırǵanın ayrıqsha atap ótti. Ushırasıw dawamında sawda-ekonomikalıq, mádeniy hám turizm, awıl xojalıǵı, ilim, bilimlendiriw hám medicina, tarawları boyınsha óz-ara birge islesiwdi jáne de kúsheytiw boyınsha sóylesiwler alıp barıldı. Jıllı hám kóterińki ruwxta ótken ushırasıwda hár eki tárep keyingi jıllarda Ózbekstan hám Germaniya arasındaǵı birge islesiw hám doslıq baylanısları jańa basqıshqa kóterilgenin atap ótti.