Taqıyatas rayonında jańa shańaraqlıq poliklinaka qurılısı baslandı

Usı jıldıń 6-sentyabr kúni Prezident járdemshisi Sayda Mirziyoevanıń Qaraqalpaqstan Respublikasına bolǵan saparı dawamında Taqıyatas rayonına kelip, shańaraqlıq poliklinanıń jaǵdayı menen tanısqan edi hám juwapkerlerge tapsırmalar berildi. Tapsırmalardıń ámeliy orınlanıwın támiyinlew maqsetinde Ózbekstan Respublikası Bas prokurorı orınbasarı Salam Samadov, Qaraqalpaqstan Respublikası Ministrler Keńesi Baslıǵı Farhod Ermanov, rayonnıń sektor basshıları hám basqa da juwapkerler jańa shańaraqlıq poliklinika qurılısı joybarı menen tanıstı. Onnan soń, bir waqıttıń ózinde 100 adamdı qabıllaw hám kórikten ótkeriw imkanin beretuǵın jańa poliklinika qurılısınıń qazıǵı qaǵıldı. Maǵlıwmat ushın, jańa poliklinika qáwenderler esabınan qurıp pitkerilip, zamanagóy tiptegi sońǵı medicinalıq aspap-úskeneler menen támiyinlenedi.