Qaraqalpaqstan Respublikası Ministrler Keńesiniń Baslıǵı F.Ermanov Beruniy rayonı jasları menen ushırasıwı bolıp ótti.

Búgin Qaraqalpaqstan Respublikası Ministrler Keńesiniń Baslıǵı F.Ermanov, sektor baslıqları hám de ǵalaba xabar quralları wákilleri qatnasıwında ashıq sáwbet formasında Beruniy rayonı jasları menen ushırasıwı bolıp ótti. Ushırasıw dawamında húrmetli Prezidentimiz tárepinen jaslarımızǵa jaratılıp atırǵan keń imkániyatlar, olarǵa qaratılıp atırǵan itibar hám ǵamxorlıqlar sebep joqarı nátiyjelerge erisip atırǵanlıǵı, tek ǵana respublika kóleminde emes, xalıqaralıq dárejedegi tańlawlar, jarıslar, sport oyınlarında ózlerin kórsetip atırǵan jaslardıń qatarı artıp baratırǵanlıǵı haqqında keń túrde atap ótildi. Jaslar jámiyetimizdiń jetekshi kúshi. Mámlektimizde olar ushın bilim alıw, sport penen shuǵıllanıw, IT tarawı hám óner sırların úyreniwi ushın barlıq imkaniyatlar jaratılǵan. Ashıq sáwbetlesiw formasında bolıp ótken ushırasıwda bir qatar jaslar ózleriniń pikir-usınısları menen qatnastı. Atap aytqanda, IT hám Mental arifmetika boyınsha Qaraqalpaqstanda jarıs shólkemlestiriw, Beruniy rayonında zamanagóy stadion qurıw sıyaqlı ózleriniń usınısların bildirip óttı. Ushırasıwda jaslar tárepinen bildirilgen bir qatar usınıslar Ministrler Keńesi Baslıǵı tárepinen qollap-quwatlanıp, aldaǵı waqıtlarda olardı ámelge asırıw boyınsha tiyisli taraw basshılarına tapsırmalar berildi.