Qaraqalpaqstan Respublikasında baylanıs kabeline zıyan jetkergen shaxs hákimshilik juwapkershilikke tartıldı

Qaraqalpaqstan Respublikası Taxtakópir rayonı “Ózbekstan” APJ aymaǵında X.A. basshılıǵında jerde texnika járdeminde qazıw jumısları alıp barılıp atırǵan waqıtta, usı aymaqtan ótken “Ózbektelekom” AK ǵa tiyisli optikalıq talshıqlı baylanıs kabelin úzip jibergen. Bul jaǵday boyınsha “Ózkomnazorat” inspekciyası Qaraqalpaqstan Respublikası aymaqlıq bólimi tárepinen nızambuzıwshılıq úyrenilip, Ózbekstan Respublikası Ministrler Kabinetiniń 1998-jıl 15-maydaǵı 210-sanlı qararı menen tastıyıqlanǵan “Telekommunikaciya liniyaları hám obektlerin qorǵaw qaǵıydaları” talapları buzılǵanlıǵı sebepli puqara X.A ǵa “Hákimshilik juwapkershilik haqqında”ǵı kodekstiń 154-statyası 1-bólimi tiykarında hákimshilik jaza sharası qollanıldı. Sonday-aq, puqaralarǵa keleshekte baylanıs liniyaları ótken aymaqlarda qazıw jumısların alıp barıw tártipleri boyınsha túsinikler berildi.