Qaraqalpaqstan Respublikası Ministrler Keńesiniń Baslıǵı F.Ermanov hám Sırdárya wálayatı hákimi A.Maxmudaliev Qıtay Respublikasınıń “Shuifa Group Co., Ltd” kompaniyası wákilleri menen ushırastı.

Ushırasıw dawamında Qaraqalpaqstan Respublikasın sociallıq-ekonomikalıq jaqtan ele de rawajlandırıw, húrmetli Prezidentimiz tárepinen jaratıp berilgen imkaniyatlar tiykarında jańa investiciyalıq joybarlardıń iske túsiriliwin támiyinlew hám basqa da áhmiyetli máselelerge keń túrde toqtaldı. Aytıp ótiw orınlı, Ózbekstan Respublikası hám Qıtay Xalıq Respublikası arasında birge islesiw boyınsha ámelge asırılıp atırǵan jumıslar kólemi jańa basqıshqa kóterilmekte. Sóylesiwler dawamında, “Shuifa Group Co., Ltd” kompaniyası tárepinen úlkemizde egislikten shıǵıp baratırǵan awıl xojalıǵı jerlerin qayta islew arqalı paxta ónimlerin jetistiriw hám onı qayta islewshi kárxanalardı qurıw máseleleri boyınsha sóylesiwler alıp barıldı.