Qaraqalpaqstan Respublikası Ministrler Keńesi tárepinen Prezidentimizdiń tek ǵana Qaraqalpaqstan ushın qabıl etilgen tariyxıy Párman hám Qararları tiykarında Nókis rayonında ámelge asırılıp atırǵan jumıslardıń búgingi kundegi barısı boyınsha media-tur shólkemlestirildi.

Tikkeley Prezidentimizdiń basshılıǵında “Insan qádiri ushın” principi tiykarında keń kólemli iygilikli isler ámelge asırılıp atırǵanlıǵın ayrıqsha atap ótiw orınlı, xalqımız abadanlıǵı jolındaǵı reformalar búgin hár bir shańaraqqa kirip barmaqta. Ótken qısqa dáwir ishinde tek ǵana Qaraqalpaqstan ushın qabıl etilgen tariyxıy Párman hám Qararlar búgin Respublikamız xalqına burın bolmaǵan imkaniyatlar jaratpaqta. Sol Párman hám Qararlardıń búgingi kúndegi orınlanıwı menen tanısıw maqsetinde bir qatar ǵalaba xabar quralları wákilleri ushın Nókis rayonına media-tur shólkemlestirildi.   Media-tur dawamında rayon boylap jańadan boy tiklep atırǵan záwlim imaratlar, isbilermenlerge jaratılıp atırǵan qolaylıqlar, bilimlendiriw orayları, infrastruktura imaratları, jollar, balalar maydanshaları, sport obektleri hámde Prezidentimiz basshılıǵında qabıl etilgen húkimetimizdiń 52-sanlı qararı tiykarında rayon aymaǵında jasawshı kem támiyinlengen xojalıqlardıń úyiniń tóbesin shiferlaw, eskilerin jańadan qurıw jumıslarınıń barısı menen tanıstı.