Qaraqalpaqstan Respublikası Ministrler Keńesiniń Baslıǵı F.Ermanov Qıtay hám Turkiya Respublikalarınan kelgen investorlar menen ushırastı.

Ushırasıw dawamında Qaraqalpaqstan Respublikasın sociallıq-ekonomikalıq jaqtan ele de rawajlandırıw, awıl xojalıǵı tarawında birge islesiw jumısların jolǵa qoyıw máseleleri kórip shıǵıldı. Sonday aq, Ministrler Keńesiniń Baslıǵı F.Ermanov investorlar tárepinen usınılǵan klimatımızǵa tuwra keletuǵın awıl xojalıǵı ónimlerin jetistiriw boyınsha prezentaciya materialları menen jaqınnan tanıstı. Bul boyınsha agronomlar ushın oqıw kursların jolǵa qoyıw máseleleri dodalandı.