Qaraqalpaqstandaǵı bárshe mádeniy miyras obyektleri tiyisli uyımlar tárepinen qorǵaladı

Sociallıq tarmaqlardıń birinde «“Demak, va’da qilinganimizdek, O‘zbekiston madaniy merosining barcha dushmanlarini ko‘rsatamiz”» atlı maqala járiyalandı. Ministrler Kabinetiniń 25-03-2024-jıl 154-sanlı qararına muwapıq «Nókis qalası, Pushkin kóshesinde jaylasqan 9 qabatlı turaq-jay imaratınıń fasadındaǵı Mozayka kompaziciyası» – materiallıq hám mádeniy miyrastıń kóshpes múlk obyektleri dizimine kiritilgen. Bul obyektke sırtqı reklama ornı «Saliev Usnatdin Karamatdinovich» JShJke tiyisli bolıp, reklama bannerien alıp taslaw boyınsha 2024-jıl 19-aprel kúni eskertiw xatı berilip, sonday-aq, Qaraqalpaqstan Respublikası Básekilikti rawajlandırıw komitetine hám 2024-jıl 25-aprel kúni tiyisli tapsırmalar berilgen. Bunıń nátiyjesinde usı jıldıń 30-aprel kúni reklama banneri alıp taslanǵanlıǵın málim etip bildiremiz.