Ózbekstan Prezidenti ámeliy sapar menen Germaniyaǵa keldi

Ózbekstan Respublikası Prezidenti Shavkat Mirziyoev Germaniya Federal Kancleri Olaf Sholctiń mirát etiwine bola 28-sentyabr kúni sapar menen Berlin qalasına keldi. «Berlin-Brandenburg» xalıqaralıq aeroportında joqarı mártebeli miymandı Berlin federal úlkesiniń ishki isler, sanlastırıw hám sport ministri Iris Shpranger hám basqa da rásmiy shaxslar kútip aldı. 29-sentyabr kúni Ózbekstan jetekshisi Oraylıq Aziya hám Germaniya mámleket basshıları sammitinde qatnasadı, Federal Prezident Frank-Valter Shtaynmayer hám Federal Kancler Olaf Sholc penen sóylesiwler ótkeredi. Sapar baǵdarlamasınan isbilermenlik ilajları da orın alǵan. ÓzA