“Jańa Ózbekstan” gazetasına 5 jıl
“Jańa Ózbekstan” gazetasına 5 jıl
Búgin “Jańa Ózbekstan” gazetası dóretiwshilik jámááti óziniń 5 jıllıǵın belgilemekte. Haqıyqatında da gazeta qısqa waqıt ishinde keń jámiechilikke óziniń alıp barıp atırǵan keń kólemli jumısları menen tanılıp qaldı. Tek ǵana tanısıp qalmadı, al hár bir shańaraqqa jańa nápes, jańalanıp atırǵan Ózbekstannıń reformaların alıp kirip atır. Jańa Ózbekstandı qurıwda “Jańa Ózbekstan” gazetasınıń da úlesi bar. Gazeta jámááti ashıq-aydınlıq penen jumıs alıp barıp atırǵan isenimli basılımlarınan biri desek júdá durıs boladı.
Mámleketimizde alıp barılıp atırǵan keń kólemli reformalar, aymaqlardıń sociallıq-ekonomikalıq rawajlanıwı, qurılıs hám abadanlastırıw, eń áhmietlisi ápiwayı xalıqtıń turmısındaǵı ózgerislerdi ápiwayı hám shın júrekten tilde hár qıylı áhmietli temalardaǵı maqalalar hám jańalıqlar menen jetkerip bermekte. Sonıń ishinde, Qaraqalpaqstan Respublikasında júz berip atırǵan jańalanıwlar, ózgerisler, keń kólemli reformalar, sociallıq-ekonomikalıq rawajlanıwı hám túrli tarawlarda erisip atırǵan jetiskenlikler de keńnen sáwlelendirilmekte.
Eń tiykarǵısı, bul gazetanıń hár bir sanındaǵı maqalalardı QR kodın skanerlew arqalı qaraqalpaq tilinde oqıw imkaniyatı payda boldı. Sonday-aq, bul gazetanıń veb-saytı da qaraqalpaq tilinde júrgizilmekte.
Búgingi kúnde baspasóz tarawında kárwan basına aylanǵan “Jańa Ózbekstan” gazetası dóretiwshilik jámááti mámleketimiz hám onıń aymaqları turmısın, áhmietli processlerdi sáwlelendirip barıwda nátiyjeli jumıs alıp baratuǵınına isenemiz.
Qaraqalpaqstan Respublikası Ministrler Keńesi Baspasóz xızmeti