Qaraqalpaqstan Respublikası Ministrler Keńesiniń Baslıǵı F.Ermanov «Imkon» shólkemindegi balalardı bayram múnásibeti menen qutlıqladı
Qaraqalpaqstan Respublikası Ministrler Keńesiniń Baslıǵı F.Ermanov «Imkon» shólkemindegi balalardı bayram múnásibeti menen qutlıqladı
«1-iyun – Xalıqaralıq balalardı qorǵaw kúni» bayramı respublikamız boyınsha orınlarda keń túrde belgilenbekte.
Búgin Nókis qalasındaǵı «Imkon» reabilitaciya orayına iye mámleketlik kóp tarmaqlı qánigelestirilgen mektepke shekemgi bilimlendiriw shólkeminde sáne múnásibeti menen bayram ilajı bolıp ótti.
Onda Qaraqalpaqstan Respublikası Ministrler Keńesiniń Baslıǵı F.Ermanov qatnasıp, bul jerde tárbiyalanıp atırǵan balalardı bayram múnásibeti menen qutlıqladı.
Elimizde hesh bir bala itibardan shette qalmaydı. Bul reabilitaciya orayına iye balalar baqshasında da bir qatar tárbiyalanıwshılar oqıp, bilim almaqta. Sonday-aq, salamatlıǵın tiklep atır. Balalar ushın barlıq qolaylı sharayatlar jaratılǵan. Olardıń salamatlıǵı turaqlı qadaǵalawǵa alınǵan hám tájiriybeli medicina xızmetkerleri menen pedagog ustazlar kún-túni ayanbay miynet etpekte.
“Imkon” shólkeminde ótkerilgen ilajda F.Ermanov tárepinen balalarǵa bayram múnásibeti menen sawǵalar tapsırıldı.
Bayram ilajı balalardıń atqarıwındaǵı koncert baǵdarlaması menen dawam etti.
