Qoraqalpog’iston Respublikasi Vazirlar Kengashi boshqaruv apparatining
Qoraqalpog’iston Respublikasi Vazirlar Kengashining
qarori
Qoraqalpog’iston Respublikasi Jo‘qorg’i Kengesi Prezidiumining
2022 yil 7 mart kungi “Qoraqalpog’iston Respublikasi Vazirlar Kengashi boshqaruv apparatining tuzilmasi to‘g’risida”gi 618-son qarori haqida
Qoraqalpog’iston Respublikasi Jo‘qorg’i Kengesi Prezidiumining
2022 yil 7 mart kungi “Qoraqalpog’iston Respublikasi Vazirlar Kengashi boshqaruv apparatining tuzilmasi to‘g’risida”gi 618-son qaroriga muvofiq Vazirlar Kengashi
QAROR QILADI:
- Qoraqalpog’iston Respublikasi Jo‘qorg’i Kengesi Prezidiumining 2022 yil 7 mart kungi “Qoraqalpog’iston Respublikasi Vazirlar Kengashi boshqaruv apparatining tuzilmasi to‘g’risida”gi 618-son qarori ijro uchun rahbarlikka olinsin.
- Qoraqalpog’iston Respublikasi Jo‘qorg’i Kengesi Prezidiumining mazkur qarori bilan:
- a) Qoraqalpog’iston Respublikasi Vazirlar Kengashi boshqaruv apparatining tuzilmasida O‘zbekiston Respublikasi oila va xotin-qizlar davlat qo‘mitasi raisi bilan kelishilgan holda Qoraqalpog’iston Respublikasi Jo‘qorg’i Kengesi tomonidan lavozimga tayinlanadigan va lavozimidan ozod etiladigan Qoraqalpog’iston Respublikasi Vazirlar Kengashi Raisining o‘rinbosari – oila va xotin-qizlar qo‘mitasi raisi lavozimi;
shahar va tumanlar hokimliklarining tuzilmasida O‘zbekiston Respublikasi oila va xotin-qizlar davlat qo‘mitasi raisi bilan kelishilgan holda Qoraqalpog’iston Respublikasi Jo‘qorg’i Kengesi tomonidan lavozimga tayinlanadigan va lavozimidan ozod etiladigan shahar va tuman hokimlarining o‘rinbosarlari – oila va xotin-qizlar bo‘limi boshlig’i lavozimlari joriy qilinganligi;
- b) Qoraqalpog’iston Respublikasi Vazirlar Kengashi boshqaruv apparati tuzilmasida Qoraqalpog’iston Respublikasi Vazirlar Kengashi Raisining o‘rinbosari – Mahalla va oilani qo‘llab-quvvatlash vaziri lavozimi;
Shahar va tumanlar hokimlarining o‘rinbosarlari – mahalla va oilani qo‘llab-quvvatlash bo‘limlari boshliqlari lavozimlari tugatilganligi;
- v) Qoraqalpog’iston Respublikasi Mahalla va oilani qo‘llab-quvvatlash vazirligi hamda uning xududiy bo‘limlari negizida Qoraqalpog’iston Respublikasi Mahalla va nuroniylarni qo‘llab-quvvatlash vazirligi hamda uning shahar va tumanlar bo‘limlari amaldagi moliyaviy tartib va mehnatga haqi to‘lash shartlari saqlangan holda tashkil etilganligi;
Qoraqalpog’iston Respublikasi Mahalla va nuroniylarni
qo‘llab-quvvatlash vaziri O‘zbekiston Respublikasi Mahalla va nuroniylarni qo‘llab-quvvatlash vaziri bilan kelishilgan holda Qoraqalpog’iston Respublikasi Jo‘qorg’i Kengesi tomonidan lavozimga tayinlanishi va lavozimidan ozod etilishi;
- g) Qoraqalpog’iston Respublikasi Vazirlar Kengashi boshqaruv apparatining tuzilmasi 80 (xizmat ko‘rsatuvchi xodimlardan tashqari) boshqaruv xodimlari soni ilovaga muvofiq tasdiqlanganligi ma’lumot uchun qabul qilinsin.
- Qoraqalpog’iston Respublikasi Vazirlar Kengashi boshqaruv apparatining tuzilmasi ilovaga muvofiq tasdiqlansin.
- Qoraqalpog’iston Respublikasi Vazirlar Kengashi Raisining o‘rinbosari – Oila va xotin-qizlarni qo‘mitasi raisi bir hafta muddatda o‘zining va kotibiyatining funktsional vazifalari to‘g’risidagi Nizomni ishlab chiqsin va tasdiqlanishini ta’minlasin.
- Qoraqalpog’iston Respublikasi Mahalla va nuroniylarni
qo‘llab-quvvatlash vazirligi bir hafta muddatda ushbu qarorga muvofiq vazirlik to‘g’risidagi Nizomni ishlab chiqsin va tasdiqlash uchun Vazirlar Kengashiga kiritilsin.
- Qoraqalpog’iston Respublikasi Adliya vazirligi boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g’risida Qoraqalpog’iston Respublikasi Vazirlar Kengashiga takliflar kiritsin.
- Qoraqalpog’iston Respublikasi Vazirlar Kengashining Ishlar Boshqarmasi Moliya vazirligi bilan birgalikda bir hafta muddatda Qoraqalpog’iston Respublikasi Vazirlar Kengashi boshqaruv apparati xodimlarining shtatlar jadvalini mazkur qarorga muvofiq qayta ko‘rib chiqsin va tasdiqlasin.
- Qoraqalpog’iston Respublikasi Vazirlar Kengashining 2022 yil
11 fevraldagi “Qoraqalpog’iston Respublikasi Jo‘qorg’i Kengesi Prezidiumining 2022 yil 31 yanvardagi “Qoraqalpog’iston Respublikasi Vazirlar Kengashi boshqaruv apparatining tuzilmasi to‘g’risida”gi
589-son qarori haqida”gi 87-13-0-Q/22-son qarorining 3 bandi o‘z kuchini yo‘qotgan deb hisoblansin.
- Mazkur qarorning ijrosini nazorat qilish Qoraqalpog’iston Respublikasi Vazirlar Kengashi Ishlar Boshqaruvchisi A.Ismailovga yuklatilsin.
Qoraqalpog’iston Respublikasi
Vazirlar Kengashining Raisi Q.Sariev
Qoraqalpog’iston Respublikasi Vazirlar Kengashi boshqaruv apparatining
TUZILMASI |