«Bir aymaq – bir ónim» hám kooperaciya principleri tiykarında paydalı jáne eksportta talap kúshli bolǵan eginlerdi aqılǵa uǵras jaylastırıw, kepillikli satıp alıw, azıq-awqat qáwipsizligin támiyinlew, sonıń menen birge, eksport potencialın arttırıw boyınsha kórgizbeli oqıw seminarı shólkemlestirildi.

Ózbekstan Respublikası Prezidentiniń 2022-jıl 10-sentyabrdegi PQ-373-sanlı qararına muwapıq, diyqan xojalıqların shólkemlestiriw ushın ajıratılǵan maydanlarǵa «Bir aymaq – bir ónim» hám kooperaciya principleri tiykarında paydalı jáne eksportta talap kúshli bolǵan eginlerdi aqılǵa uǵras jaylastırıw, kepillikli satıp alıw, azıq-awqat qáwipsizligin támiyinlew, sonıń menen birge, eksport potencialın arttırıw boyınsha Ámiwdárya rayonında kórgizbeli oqıw seminarı shólkemlestirildi. Usı oqıw seminarǵa Qaraqalpaqstan Respublikası Ministrler Keńesiniń Baslıǵı F.Ermanov, orınbasarı D.Kaypov, rayon hákimi S.Xojametov hám barlıq rayonlardaǵı awıl xojalıǵı boyınsha hákim orınbasarları, awıl-xojalıǵı tarawınıń juwapkerleri, awıl hám mákan puqaralar jıyını baslıqları qatnastı.