Qaraqalpaqstan Respublikası Ministrler Keńesi

1. Bul Reje Qaraqalpaqstan Respublikası Ministrler Keńesi Baslıǵınıń orınbasarı 

– Jaslar siyasatı,  sotsiallıq rawajlandırıw hám ruwxıy-aǵartıwshılıq  isleri Kompleks baslıǵınıń (keyingi orınlarda Kompleks baslıǵı dep ataladı) funktsiyalıq wazıypaların belgileydi.

2. Kompleks baslıǵı Qaraqalpaqstan Respublikası Joqarǵı

Keńesiniń Baslıǵına hám Ministrler Keńesiniń Baslıǵına esap beredi.

3. Kompleks baslıǵı óz jumısında Ózbekstan Respublikası menen Qaraqalpaqstan Respublikasınıń Konstituttsiyaları hám nızamlarına,  Ózbekistan Respublikası Oliy Majlisi palatalarınıń qararlarına hám basqa da hújjetlerine,  Ózbekstan Respublikası Prezidentiniń pármanlarına,  qararları menen biyliklerine,  Ministrler Kabinetiniń qaralarına hám biyliklerine,  Qaraqalpaqstan Respublikası Joqarǵı Keńesiniń qararlarına hám basqa da hújjetlerine,  Qaraqalpaqstan Respublikası Ministrler Keńesiniń qararları menen biyliklerine,  sonday-aq,  usı Rejege ámel etedi.

4. Komleks baslıǵı komplekstegi jumıslardıń jaǵdayı ushın juwap beredi,  tiyisli mámleketlik hám xojalıq basqarıw uyımları,  shólkemler jumısınıń muwapıqlastırılıwın hám qadaǵalanıwın,  Komplekstiń jumısına kiretuǵın máseleler boyınsha Ministler Keńesine kirgizilgen usınıslar menen hújjetler joybarlarınıń hár tárepleme kórip shıǵılıwın támiyinleydi.

5. Kompleks basshısınıń jumısı jaslar,  sotsiallıq rawajlandırıw hám ruwxıy-aǵartıwshılıq isleri boyınsha máselelerdi sheshiwge baǵdarlanǵan.

6. Kompleks basshısı statusına bola Qaraqalpaqstan Respublikası Húkimetiniń aǵzası bolıp tabıladı.

Kompleks basshısı Ministrer Keńesi hám onıń Prezidiumı májilislerinde tikkeley qatnasadı.

 

7. Tómendegiler Kompleks bsshısınıń tiykarǵı wazıypaları bolıp tabıladı: 

a) Jaslar siyasatı tarawında: 

jaslar,  yaǵnıy otız jastan aspaǵan shaxslar,  atap aytqanda,  bilimlendiriwge qamtıp alınǵan jaslar,  jámlespegen jaslar,  jas qánigeler,  isbilermen jaslar,  jas fermerler,  jas shańaraqlardı hár tárepleme qollap-quwatlaw boyınsha ilajlardı ámelge asırıw; 

ulıwma bilim beriw mektepleriniń 9-klas pitkeriwshilerin kásipke baǵdarlaw hám olardı sońǵılıǵında orta arnawlı,  kásip-óner bilimlendiriw sistemasında oqıw menen tolıq qamtıp alıw,  kásip-óner kolledji pitkeriwshilerin jumısqa ornalastırıw boyınsha sistemalı jumıslardı shólkemlestiriw; 

akademiyalıq litseylerdiń jumıs nátiyjeliligin arttırıwǵa qaratılǵan komleksli ilajlardı ámelge asıradı,  sonıń ishinde,  olardı aymaqlar kesiminde optimal ornalastırıw,  talantlı jaslardı qamtıp alıw,  oqıw protsesiniń sapasın arttırıw; 

joqarı bilimlendiriw baǵdarları hám joqarı maǵlıwmatlı kadrlar tayarlaw kórsetkishleriniń aymaqlar boyınsha optimal bólistiriliwi boyınsha tiykarlanǵan usınıslar islep shıǵıw,  pitkeriwshilerdiń tereń professional bilimge iye bolıwına qaratılǵan ilajlardı ámelge asırıw; 

bilimlendiriw sistemasınıń barlıq basqıshlarında oqıw protsesiniń sapasın,  oqıwshı studentlerdiń dawamlılıǵın támiyilew boyınsha anıq ilajlar kóriw hám qadaǵalaw,  bul baǵdarda bilimlendiriw mákemesiniń,  máhálleniń,  mámleketlik emes kommertsiyalıq emes shólkemlerdiń,  profilaktika inspektorları menen ata-analardıń óz-ara birge islesiw jumısların muwapıqlastırıw; 

xalıqtıń,  ásirese,  jaslardıń kitapqumarlıq mádeniyatın arttırıw,  milliy ádebiyatımızdıń hám jáhán ádebiyatınıń eń jaqsı úlgilerin keńnen úgit-násiyatlaw,  «ǵalabalıq mádeniyat»tıń kórinislerine qarsı ruwxıy profilaktikalıq jumıslarǵa basshılıq etiw; 

bilimlendiriw sistemasınıń barlıq basqıshlarında shet tillerge,  komp'yuter texnologiyalarınan hám internet resurslarınan paydalanıwdıń aldınǵı kónlikpelerine úyretiw boyınsha kompleksli ilajlardıń orınlanıwın qadaǵalaw; 

jaslardıń bos waqıtların mazmunlı shólkemlestiriw boyınsha olardıń pikir-usınısların inabatqa alǵan halda anıq hám mánzilli ilajlar baǵdarlamaların islep shıǵıw,  hár qıylı dógereklerge,  sonıń ishinde,  balalar muzıka hám kórkem óner,  balalar hám jas óspirimler sport mekteplerine qamtıp alıw jumısların sistemalı shólkemlestiriw; 

jaslardı joqarı ádep-ikramlılıq jaqtan tárbiyalaw,  olardı ideologiyalıq qáwip-qáterlerden qorǵaw hám jámiyette joqarı ruwxıylıq ortalıǵın qáliplestiriw baǵdarındaǵı jumıslarǵa basshılıq etiw; 

jaslardı erkin turmısqa tayarlaw,  xalıqtıń jámiyetlik belsendiligin artırıw,  jaslar tárbiyası máselelesinde jámiyetlik qadaǵalawdı shólkemlestiriw,  jámiyette tınıshlıqtı hám tatıwlıqtı támiyinlew tarawındaǵı  wazıypalardı nátiyjeli orınlawǵa baǵdarlanǵan ilajlardı ámelge asırıw; 

ata-analardıń pedagogikalıq mádeniyatın arttırıwǵa,  bárkamal áwlad tábiyasında «shańaraq-máhálle-bilimlendiriw mákemesi» jámiyetlik keńesi jumısların ámelge asırıwǵa basshılıq etiw; 

jámlespegen jaslardıń máplerin ámelge asırıwda qatnasatuǵın mámleketlik uyımlardıń,  mákemelelerdiń hám mámleketlik emes kommertsiyalıq emes shólkemlerdiń jumısın muwapıqlastırıwǵa jáne jaslardıń jámiyetlik belsendiligin arttırıwǵa qaratılǵan tiykarǵı baǵdarlardı belgilew; 

jámlespegen jaslardıń mashqalaların anıqlaw hám sheshiw ushın olardıń talapların anıqlaw boyınsha monitoring alıp barıw hám bahalaw,  kásipke úyretiw,  jumısqa ornalastırıw,  sonıń ishinde,  kishi hám orta bizneske hám shańaraqlıq isbilermenlikke keńnen tartıwǵa,  huqıqbuzarlıq hám jınayatshılıqtıń aldın alıwǵa qaratılǵan ilajlardı belgilew; 

jas qánigelerdi jumısqa ornalastırıwdıń sistemalı monitoringin shólkemlestiriwge,  miynet bazarında olardıń básekige shıdamlılıǵın támiyinlewge qaratılǵan arnawlı baǵdarlamalardı islep shıǵıw hám onı ámeliyatqa engiziw,  jas kadrlardı tayarlaw,  qayta tayarlaw hám mamanlıǵın arttırıw boyınsha jumıslardı ámelge asırıw; 

jaslardıń isbilermenligin hám jas fermerlerdiń jumısın rawajlandırıw ushın qolaylı sharayatlar jaratıw,  jaslardıń isbilermenligin shólkemlestiriwge kómeklesiw,  jeńillikli kreditler beriw,  orın ajıratıw,  materiallıq hám texnikalıq qurallar menen támiyinlewge baylanıslı baǵdarlamalardı islep shıǵıw hám ámelge asırıw: 

jas shańaraqlardı ruwxıylıq hám materiallıq jaqtan qollap-quwatlaw,  olar ushın múnásip turaq jay hám sotsiallıq-turmıslıq sharayatlardı shólkemlestiriw boyınsha ilajlar sistemasın ámelge asırıw,  kem támiyinlengen jas shańaraqlarǵa nızam hújjetlerinde belgilengen tártipte materiallıq járdem beriw ilajların kóriw.

b) Sotsiallıq rawajlandırıw tarawında: 

xalıqqa sotsiallıq xızmet kórsetiwdiń dárejesin hám sapasın artırıw,  ómiri hám miynet jolı,  joqarı meditsinalıq járdem alıwdı,  mádeniy miyraslar menen tanısıwdı,  dene tárbiyası hám sport penen shuǵıllanıwdı,  dem alıwın shólkemlestiriw ushın qolaylı shólkemlestiriwshilik-huqıqıy hám sotsiallıq sharayatlardı jaratıw hám sapa jaǵınan jańa dárejege kóteriw boyınsha sistemalı jumıslardı ámelge asırıw; 

xalıqtıń sotsiallıq mútájlikleri menen talapların úyreniw tiykarında aymaqlarda sotsiallıq rawajlandırıw baǵdarlamaların islep shıǵıw hám orınlanıwın monitoring etiw; 

densawlıqtı saqlaw sistemasın reformalaw,  xalıqqa joqarı mamanlıqtaǵı meditsinalıq járdemdi kórsetiw,  densawlıqtı saqlaw mákemeleriniń materiallıq-texnikalıq bazasın bekkemlew,  olardı zamanagóy meditsinalıq ásbap-úskeneler menen támiyinlew hám kadrlardıń potentsialın arttırıw baǵdarında sistemalı jumıslardı ámelge asırıw; 

awıllıq shıpakerlik punktleriniń hám shańaraqlıq poliklinikalardıń jumıs nátiyjeliligin arttırıw,  hár bir insan hám pútkil shańaraq sheńberinde eń kóp ushıraytuǵın keselliklerdiń profilaktikasın hám emlew protsesin shólkemlestiriw,  shańaraqlardı patronaj sisteması menen tolıq qamtıp alıw,  xalıqtıń meditsinalıq mádeniyatın arttırıw,  salamat turmıs tárizin,  sonıń ishinde,  salamat awqatlanıwdı úgit-násiyatlaw ilajların ámelge asırıw; 

xalıqtıń reproduktivlik samalamatlıǵın bekkemlew,  analardıń,  balalardıń hám jas óspirimlerdiń densawlıǵın qorǵaw,  tuwma hám násillik keselliklerdiń aldın alıw,  rawajlanıw nuqsanı bolǵan balalardı meditsinalıq-sotsiallıq reabilitatsiyalaw sapasın arttırıw,  olardıń jámiyetlik turmısta tolıq qatnasıwı ushın zárúr sharayatlardı jaratıw; 

xalıqqa diagnoz qoyıwdıń zamanagóy usılların engiziw hám joqarı mamanlıqtaǵı qánegelestirilgen meditsinalıq járdemniń kólemin bunnan bılay da keńeytiw. Jáhán standartları dárejesindegi eń nátiyjeli,  qurmalı hám joqarı texnologiyalı usıllarǵa bolǵan xalıqtıń talabın qanaatlandırıwǵa baǵdarlanǵan ilajlardıń orınlanıwın támiyinlew; 

xalıqtı dári-dármaqlar menen támiyinlewdi bunnan bılay da jaqsılaw,  jergilikli óndirisshiler tárepinen islep shıǵarılǵan sapalı dári-dármaqlar hám meditsinalıq buyımlar menen támiynat dárejesin arttırıw,  jergilikli farmatsevtika sanaatına investitsiyalar kirgiziw ushın shet el jetekshi kompaniyaları menen investorların tartıw boyınsha ilajlardı ámelge asırıw; 

sport tarawında alıp barılıp atırǵan jumıslardıń kólemin bunnan bılay da keńeytiw,  sporttıń ǵalabalıǵın arttırıw,  qızlar arasında sporttı rawajlandırıw,  barlıq aymaqlarda,  ásirese,  eń alıs awıllarda xalıqaralıq talaplarǵa juwap beretuǵın materiallıq-texnikalıq bazaǵa iye eń zamanagóy sport ob'ektlerin qurıw; 

xalıqtıń turmıslıq mádeniyatın hám sapasın artırıwǵa qaratılǵan bilimlendiriw,  kewilli dem alıw,  bántlik,  turmıslıq xızmetler kórsetiw,  mádeniyat,  kórkem óner hám sport tarawları mákemelerinen paydalanıw kólemin keńeytiwge qaratılǵan kompleksli ilajlardı ámelge asırıw; 

mákan puqaralar jıyınları,  hayal-qızlar,  nuraniyler,  jaslar shólkemleri,  puqaralıq jámiyetleri institutları,  ǵalaba xabar qurallarınıń tınısh-tatıw turmısımızdı saqlawǵa hám bekkemlewge qaratılǵan wazıypalardıń orınlanıwın muwapıqlastırıw.

v) Ruwxıy-aǵartıwshılıq isler tarawında: 

xalıq arasında elimizde ámelge asırılıp atırǵan mámleketlik siyasattıń tiykarǵı baǵdarların,  keń kólemli reformalardıń mazmun-mánisin,  qabıl etilgen nızam hújjetler menen mámleketlik baǵdarlamalar áhmiyetiniń úgit-násiyatlanıwın shólkemlestiriw; 

xalıqtıń ruwxıylıq mashqalaları menen talapların úyrenip barıw tiykarında aymaqta ruwxıy ortalıq salamatlıǵın támiyinlew,  shólkemlestiriwshilik-huqıqıy usılına qaramay barlıq shólkemlerdiń ruwxıy-aǵartıwshılıq jumısın muwapıqlastırıw hám basshılıq etiw; 

xalıqtıń ruwxıy-ádep-ikramlılıq,  diniy-aǵartıwshılıq,  mádeniy dárejesin arttırıw hám onıń turaqlı túrde ósip atırǵan intellektual,  estetialıq hám mádeniy talapların  támiyinlew,  ruwxıy-aǵartıwshılıq miyrastı,  úrp-ádetler menen qádriyatlardı saqlaw,  úgit-násiyatlaw jumıslarına basshılıq etiw; 

aymaqta salamat turmıs tárizin,  milletleraralıq tatıwlıqtı,  óz-ara miyrim-shápáát ortalıǵın bekkemlewge qaratılǵan ǵalabalıq ilajlardı támiyinlew hám shólkemlestiriw máselelelerin muwpıqlastırıw,  ilajlardıń maqsetli,  tártipli shólkemlestiriliwin hám tárbiyalıq nátiyjeliligin támiyinlew ilajların kóriw; 

aymaqta jınayatshılıqtıń hám huqıqbuzarlıqlardıń aldın alıw,  adamlardı sergeklikke hám abaylı bolıwǵa shaqırıw,  jaslarda jat ideyalarǵa qarsı ideologiyalıq immunitetti bekkemlew,  huqıqıy mádeniyattı arttırıw,  puqaralarda nızamǵa húrmet,  huqıqbuzarlıq jaǵdaylarına jol qoymaw sezimin kúsheytiwge qaratılǵan nátiyjeli úgit-násiyat sistemasın jolǵa qoyıw; 

xalıq arasında diniy ekstremizm,  terrorizm,  náshebentlik,  adam sawdası,  nızamsız migratsiya,  «ǵalabalıq mádeniyat» qáwipinen eskertiwge qaratılǵan profilaktikalıq aǵartıwshılıqqa,  tárbiyalıq ilajlarǵa basshılıq etiw; 

xalıq arasında miyrim-shápáát,  múriybet hám húrmet,  insap hám diyanat,  hújdanlılıq,  awızbirshilik hám tatıwlıq,  pidayılıq,  watan súyiwshilik,  joqarı mártebelilik hám basqa da pazıyletlerdi úgit-násiyatlaw jáne ruwxıy-aǵartıwshılıq jumıslardı rawajlandırıwda máhálle institutınıń ornın hám rolin arttırıw baǵdarındaǵı jumıslarǵa basshılıq etiw; 

elimizde alıp barılıp atırǵan ruwxıy-aǵartıwshılıq jumıslar boyınsha siyasattıń maqset hám wazıypalarınan kelip shıǵıp,  aymaqta shólkemlestiriletuǵın ilajlardıń mazmunın,  nátiyjeliligin talqılaw,  salalardıń sistemalı jumısın shólkemlestiriw.

8. Kompleks basshısı ózine júklengen wazıypalarǵa muwapıq: 

Ózbekstan Respublikası Prezidenti Apparatınıń tiyisli xızmetleri,  Ministrler Kabineti hám Qaraqalpaqstan Respublikası Joqarǵı Keńesi menen jaslar siyasatı,  sotsiallıq rawajlandırıw hám ruwxıy-aǵartıwshılıq isleri máseleleri  boyınsha óz-ara birge islesedi; 

Kompleks quramına kiretuǵın  shólkemlerdiń kadrların tańlaw; 

ornı-ornına qoyıw,  tayınlaw hám wazıypasınan azat etiw boyınsha kompleksli ilajlardı orınlawda respublikalıq hám oraylıq strukturalardıń basqarması menen birge islesedi.

Komplekske qaraslı basshı lawazımlarǵa ámeldegi hám perspektivalı kadrlar rezervin jetilistiriw boyınsha usınıslar kirgizedi. Rezervke kirgizilgen talabanlardı tayarlap barıw jumısların shólkemlestiredi.

Ministrler Keńesi Baslıǵı qararları menen  biylikleri joybarlarına kelisim ushın qol qoyadı.

Óz wákilligi sheńberinde Ózbekstan Respublikası hám Qaraqalpaqstan Respublikası húkimet uyımlarında Ministrler Keńesinen wákillik etedi.

Ministrler Keńesiniń jaslar siyasatı,  sotsiallıq rawajlandırıw hám ruwxıy-aǵartıwshılıq isler máseleleri boyınsha sekretariat baslıqların hám bas qánigelerin qayta tayarlaw,  olardıń mamanlıǵın arttırıw,  xoshametlew hám olarǵa qarata tártiplik jaza sharaların qollanıw haqqında Ministrler Kabinetiniń Baslıǵına usınıslar kirgizedi.

9. Ministrler Keńesiniń Baslıǵı hám Ministrler Keńesi Baslıǵınıń orınbasarı basshılıq etetuǵın komissiyalardıń (keńeslerdiń) jumısın,  sonday-aq,  olardıń qararlarınıń orınlanıwın shólkemlestiriw boyınsha qadaǵalawdı támiyinleydi.

10. Kompleks basshısı ózine júklengen wazıypalar menen funktsiyalardı orınlaw ushın tómendegi huqıqlarǵa iye: 

Ministrler Keńesinde kórip shıǵılatuǵın máselelerdi talqılaw hám tayarlaw ushın zárúr bolǵan materialllar menen maǵlıwmatlardı mámleketlik hám xojalıq basqarıw uyımları,  jergilikli atqarıwshı hákimiyat uyımlarınan hám basqa da uyımlar menen shólkemlerden belgilengen tártipte soraw hám alıw; 

mámleketlik hám xojalıq basqarıw uyımları,  mámleketlik atqarıwshı hákimiyat uyımları,  basqa da uyımlar hám shólkemler basshıları menen wákilleriniń qatnasıwında májilisler ótkeriw; 

juwapkershilik júklengen ministrliklerdiń,  mámleketlik komitetler menen vedomstvolardıń,  mámleketlik hám xojalıq basqarıw uyımları kollegiyalıq uyımlarınıń májilislerinde,  sonday-aq,  Qaraqalpaqstan Respublikası Joqarǵı Keńesi Baslıǵınıń hám Ministrler Keńesi Baslıǵınıń tapsırmaları boyınsha – mámleketlik basqarıw uyımlarınıń,  mámleketlik emes kommertsiyalıq emes shólkemlerdiń hám basqa da shólkemlerdiń Kompleks basqaratuǵın tarawǵa kiretuǵın máseleler boyınsha ótkeriletuǵın májilisleri menen jıynalıslarında qatnasıw; 

mámleketlik hám xojalıq basqarıw uyımları,  ilimiy mákemeleler hám basqa da shólkemlerdiń basshıları menen wákillerin Ministrler Keńesinde kórip shıǵılatuǵın máselelerdi islep shıǵıw ushın belgilengen tártipte tartıw,  tiyisli máseleler boyınsha waqtınsha jumısshı toparlar dúziw; 

«Qaraqalpaqstan Respublikası Ministrler Keńesi haqqında»ǵı Qaraqalpaqstan Respublikası nıń Nızam talapları buzılǵan jaǵdayda túsetuǵın hújjetlerdi qaytarıw.

Kompleks basshısınıń zárúr materiallardı,  maǵlıwmatlardı usınıw,  sonday-aq,  Ózbekstan Respublikası menen Qaraqalpaqstan Respublikasınıń nızamları,  Ózbekstan Respublikası Prezidentiniń pármanları,  qararları hám biylikleri,  Ministrler Keńesiniń qararları hám basqa da hújjetleri,  Qaraqalpaqstan Respublikası Joqarǵı Keńesiniń qararları hám basqa da hújjjetleri,  Qaraqalpaqstan Respublikası Ministrler Keńesiniń qaraları hám biylikleri joybarların puqta islep shıǵıw boyınsha talapları menen tapsırmaları belgilengen múddetlerde orınlanıwı kerek.

Kompleks basshısınıń ózi basqaratuǵın máseleler boyınsha ministrliklerdiń,  mámleketlik komitetlerdiń,  vedomstvolardıń,  xojalıq birlespeleriniń,  kárxanalardıń hám basqa da shólkemlerdiń basshılarına tapsırmaları belgilengen tártipte orınlanwı májbúriy bolıp tabıladı.

11. Kompleks basshısı: 

ózine júklengen wazıypalardıń zárúr dárejede hám sapalı orınlanıwı ushın; 

Ózbekstan Respublikası menen Qaraqalpaqstan Respublikası nızamlarınıń,  Ózbekstan Respublikası Oliy Majlisi palatalarınıń qararları menen basqa da hújjetleriniń,  Ózbekstan Respublikası Prezidenti pármanlarınıń,  qararlarınıń,  biylikleri menen tapsırmalarınıń,  Ministrler Kabineti,  Qaraqalpaqstan Respublikası Joqarǵı Keńesi hám Ministrler Keńesi basqarıw tapsırmalarınıń jaslar siyasatı,  sotsiallıq rawajlandırıw hám ruwxıy-aǵartıwshılıq isler kompleksiniń quramına kiretuǵın mámleketlik hám xojalıq basqarıw uyımları,  shólkemler tárepinen óz waqtında hám sapalı orınlanıwın támiyinlew ushın; 

Ministrler Kabinetiniń «Atqarıw tártibin bekkemlew ilajları haqqında»ǵı 1999-jıl 12-yanvar'daǵı 12-sanlı qararına muwapıq atqarıw tártibiniń bekkemleniwi ushın juwap beredi.

12. Kompleks basshısınıń isleri «Qaraqalpaqstan Respublikası Ministrler Keńesi haqqında»ǵı Qaraqalpaqstan Respublikasınıń Nızamı,  Ózbekstan Respublikası Prezidentiniń,  Ózbekstan Respublikası Bas ministriniń,  Qaraqalpaqstan Respublikası Joqarǵı Keńesiniń hám Ministrler Keńesi Baslıqlarınıń tapsırmalarına,  usı Nızamǵa muwapıq,  sonday-aq,  Miistrler Keńesiniń rejeleri hám jaslar siyasatı,  sotsiallıq rawajlandırıw hám ruwxıy-aǵartıwshılıq isler kompleksiniń is rejesi tiykarında shólkemlestiriledi.

Komplekstiń is rejesi kompleks basshısı tárepinen tastıyıqlanadı.

13. Kompleks basshısınıń Ózbekstan Respublikası menen Qaraqalpaqstan Respublikası nızamlarınıń,  Ózbekstan Respublikası Prezidenti parmanlarınıń,  qararları menen biylikleriniń,  húkimet qararlarınıń juwapkershilik júklenetuǵın mámleketlik hám xojalıq basqarıw uyımlarında,  shólkemlerde,  jergilikli atqarıwshı hákimiyat uyımlarında ámelge asırılıwınıń sistemalı monitoringin támiyinlew boyınsha jumısı Ministrler Keńesiniń is rejesine,  sonday-aq,  Miistrler Keńesi baslıǵınıń tapsırmalarına muwapıq kompleksli úyreniwlerdi ámelge asırıw jolı menen,  Ministrler Keńesiniń Prezidium májilislerinde jaslar siyasatı,  sotsiallıq rawajlandırıw hám ruwxıy-aǵartıwshılıq isleri máseleleri kompleksiniń esapların tıńlaǵan halda shólkemlestiriledi.

Kadrlar tayarlaw milliy baǵdarlamasın ámelge asırıw boyınsha Respublikalıq komissiyası; 

Respublikalıq epidemiyaǵa qarsı gúresiw ayrıqsha komissiyası; 

AİV infektsiyasınıń tarqalıwına qarsı gúresiwge baylanıslı ilajlardı muwapıqlastırıw boyınsha Respublikalıq kishi komissiyası; 

Narkotik zatlardı qadaǵalaw boyınsha Respublikalıq komissiyası; 

Geografiyalıq ob'ektlerge atama beriw hám qayta atama beriw máseleleri boyınsha Respublikalıq komissiyası; 

Tasqın suwlar,  sel aǵımları menen kóshiwlerdi qáwipsiz ótkeriwdi támiyinlew boyınsha suw tasqınına qarsı gúres boyınsha Húkimetlik komissiyası; 

Respublialıq málimleme-kitapxana sistemasınıń jumısın muwapıqlastırıwshı vedomstvolararalıq Keńesi; 

2020-jılı Yaponiyada ótkeriletuǵın XXXII jazǵı Olimpiyada hám XVI Paralimpiya oyınlarına Ózbekistan sportshıların tayarlawdı shólkemlestiriw hám jetilistiriw boyınsha Respublikalıq komissiyası; 

«Nawrız» ulıwmaxalıqlıq hám «Ǵárezsizlik» bayramların belgilewdi shólkemlestiriw boyınsha turaqlı jumıs alıp baratuǵın Respublikalıq komissiyası; 

Ministrler Keńesi janındaǵı jas óspirimler isleri boyınsha komissiyası; 

Ózbekistan jaslar awqamı Qaraqalpaqstan Respublikalıq Keńesi; 

«Mámleketlik til haqqında»ǵı Qaraqalpaqstan Respublikasınıń Nızamın ámelge asırıw hám latın jazıwı tiykarında qaraqalpaq álipbesin enigiziw komissiyası; 

Densawlıqtı saqlaw sistemasın reformalaw,  mámleketlik baǵdarmalardı ámelge asırıwdı shólkemlestiriw hám qadaǵalaw boyınsha Respublikalıq komissiyası; 

Jámiyetlik kónlikpe orayı isleri boyınsha jumıs alıp baratuǵın Respublikalıq komissiyası; 

Respublikalıq áskeriy xızmetke shaqırıw boyınsha komissiyası; 

Tuberkulez keselliginiń aldın alıwdı hám oǵan qarsı gúresiwdi kúsheytiw boyınsha vedomstvolararalıq komissiyası; 

Balalardı jazǵı dem aldırıw hám salamatlandırıw boyınsha Respublikalıq turaqlı komissiyası.