baspaǵa shıǵarıw
Búgin, 2023-jıl 31-yanvar kúni Qaraqalpaqstan Respublikası Ministrler Keńesiniń májilisler zalında xalıq mashqalaların aymaqlarǵa shıqqan halda úyreniw boyınsha Shtab shólkemlestirildi. Onda, Ministrler Keńesiniń Baslıǵı F.Ermanov basshılıq etip, Ózbekstan Respublikası Ishki isler Ministriniń orınbasarı B.Abdullaev hám Ózbekstan Respublikası Milliy gvardiyası komandiri, general-mayor R.Djuraevlar qatnastı hám tiyisli mákemeler menen birgelikte isshi toparlar dúzildi.
Isshi
topardıń tiykarǵı jónelisleri tómendegiler:
-
sociallıq infrastruktura obektleriniń real jaǵdayın, xalıqtı elektr energiyası,
kómir, ishimlik suw menen úzliksiz támiyinlew dárejesin hámde puqaralardıń bul
sistemadan razılıǵın úyreniw;
-
gaz, elektr energiyası hám ishimlik suwınan kelip shıǵatuǵın avariyalıq
jaǵdaylardıń erte aldın alıw, kóp qabatlı turaq jaylarda kommunal xızmet
kórsetiwdiń sapasın anıqlaw;
- xalqımız ushın múnásip infrastruktura, tiykarınan mektepke shekemgi bilimlendiriw, mektepler, balalar maydanshaları hám xızmet kórsetiw orınların qurıw hám iskerligin jolǵa qoyıw barısında ámelge asırılıp atırılǵan jumıslar;
-
joqarı oqıw orınları studentleri ushın jataqxana támiynatı, ijarada jasawshı
studentlerdi qollap-quwatlaw hám qadaǵalawǵa alıw, olardıń bos waqıtların
mazmunlı ótkeriw, bántligin támiyinleniw jumıslarınıń jaǵdayı;
-
turaqlı jasaw ornı bolmaǵan puqaralardı reabilitaciya etiw oraylarına
jaylastırıw, narkologiya dispanserleri, medicinalıq birlespelerindegi
jaratılǵan shárayatlar menen jaqınnan tanısıw;
- tutınıw bazarlarındaǵı bahalardıń turaqlılıǵın, azıq-awqat rezervleriniń barlıǵın hámde isbilermenler ushın qolay shárayatlar jaratılǵanlıǵın úyreniw;
-
xalıqtıń kúnlik talabı ushın awıl xojalıǵı ónimlerin ishki imkanıyatlardan
kelip shıqqan halda jetkerip beriw, qosımsha zárúr bolǵan ónimler rezervin
qáliplestiriw boyınsha shártnamalar dúzilgenligin anıqlaw;
- nızamsız isbilermenlik penen shuǵıllanıw, bahalardı sebepsiz arttırıw, nadurıs básekilik ortalıǵın jaratıw sıyaqlı nızamǵa qayshı jaǵdaylarǵa shek qoyılǵanlıǵın tekseriw;
-
qıytaq jerdi rawajlandırıw, bos jatqan jerlerdi ózlestiriw, awıl xojalıǵı
ónimlerin islep shıǵarıw barısında ámelge asırılıp atırǵan jumıslardıń jaǵdayı;
-
bazarlarda puqaralar, fermerler hám awıl xojalıǵı jónelisindegi isbilermenlik
subektleri ushın ishki bazarda satıw ushın jeterli sharayatlar jaratılǵanlıǵı;
- isbilermenlik subektleriniń iskerligine nızamsız aralasıwına jol qoymaw hám basqa da wazıypalar belgilep berildi.
Qaraqalpaqstan Respublikası Ministrler Keńesi
Málimleme Xızmeti