07.02.2023, Siyshembi

978 hayal úy-jay menen támiyinlendi

Búgin Qaraqalpaqstan Respublikası Ministrler Keńesi májilisler zalında Ministrler Keńesiniń Baslıǵı F.Ermanov basshılıǵında Shańaraq, analıq hám balalıqtı qorǵaw, hayal-qızlardı qollap-quwatlaw boyınsha ámelge asırılıp atırǵan jumıslar dodalandı.
2022-jıl 7-marttaǵı PP-87-sanlı qararı shańaraq hám hayal-qızlar menen islew sistemasın jańa basqıshqa alıp shıqtı. Usı pármanǵa muwapıq hayal-qızlarǵa 40 tan aslam jeńillik hám imkanıyatlar jaratıldı.
2022-jıl dawamında:
- 37 mıń 591 hayal-qızdıń bántligi támiyinlendi (2021-jıl 25 526 hayal-qızdıń);
- 9385 hayal-qız kásip-ónerge oqıtıldı (2021-jıl 5408 hayal-qız);
-   21 845 hayal-qızǵa 474 mlrd 662 mln som kredit;
- 3959 hayal-qızdıń bántligin támiyinlew maqsetinde 15,7 mlrd som subsidiyalar ajıratıldı.
- Járdemge mútáj 111 shańaraqtıń qızları qosımsha kvota boyınsha joqarı oqıw ornına mámleketlik grant tiykarında oqıwǵa oqıwǵa qabıl etildi.
- 150 sociallıq jaǵdayı awır student qızdıń 1,6 mlrd somlıq kontrakt pulları byudjet prognozınıń qosımsha derekleri esabınan tólep berildi. 5535 student qızǵa 42 mlrd 789 mln som muǵdarında payızsız tálim kreditleri qaplap berildi.
- jeke sektorda islep atırǵan hayal-qızlarǵa hámledarlıq napaqa mámleket tárepinen qaplap beriw sisteması engizildi.
- 33 813 hayal-qız “Hayallar dápteri”ne kiritilip, sonnan 33 762 hayal-qızǵa ámeliy járdemler kórsetildi;
- 2700 hayal-qız sayaxatın shólkemlestiriw ushın Respublika byudjetinen 1,7 mlrd som qarjı ajratıldı.
- 958 hayal-qızdıń úy-jayları qayta ońlawdan shıǵarıldı,
- 978 hayal úy-jay menen támiyinlendi.
- 333 mıń hayal onkoskrining kóriginen ótkerildi.