29.03.2024, Juma

29-sentyabr kúni Moynaq rayonında "Aral balıqlarınan 99 túrli taǵam" gastronomiyalıq festival ótkeriledi

Ózbekstan Respublikası Prezidentiniń 2022-jıl 23-24 fevral kúnleri Qaraqalpaqstan Respublikasına saparı dawamında berilgen tapsırmalar hámde Ministrler Kabinetiniń tiyisli májilis Bayanına muwapıq, usı jıldıń 29-sentyabr kúni Moynaq rayonında "Aral balıqlarınan 99 túrli taǵam" gastronomiyalıq festivali ótkeriledi.

Ilaj Qaraqalpaqstan Respublikası Turizm hám mádeniy miyras ministrliginiń baslaması menen Qaraqalpaqstan Respublikası Ministrler Keńesi, Turizm hám mádeniy miyras ministrligi, Moynaq rayonı hákimligi, Qaraqalpaq ulıwma awqatlanıw kárxanaları associyaciyası, Mádeniyat ministrligi hám basqa da bir qatar ministrlik hám mákemeler tárepinen shólkemlestirilmekte.
Festival dawamında ónermentler kórgizbesi, jas xudojnikler kórgizbesi, festival jeńimpazların sıylıqlaw máresimi hámde gala koncert rejelestirilgen.

Qaraqalpaqstan Respublikası Turizm hám mádeniy miyras ministrliginiń Málimleme xızmeti