19.05.2022, Piyshembi

Qaraqalpaqstan Respublikası Ministrler Keńesiniń Baslıǵı Qaxraman Sariev Tájikstan Respublikasınıń Ózbekstan Respublikasındaǵı elshisi Abdujabbor Raxmonzodanı qabıl etti


Búgin Qaraqalpaqstan Respublikası Ministrler Keńesiniń Baslıǵı Qaxraman Sariev Tájikstan Respublikasınıń Ózbekstan Respublikasındaǵı elshisi Abdujabbor Raxmonzodanı qabıl etti. 
Ushırasıwda Ministrler Keńesiniń Baslıǵı Qaxraman Sariev Ózbekstan menen Tájikstan arasındaǵı bekkem doslıq baylanısların ornatıwǵa qosqan úlesi ushın óziniń minnetdarshılıǵın bildirdi.

Keyingi jıllarda ámelge asırılǵan reformalar nátiyjesinde Ózbekstan menen Tájikstan arasındaǵı qatnasıqlar atap aytqanda, sawda-ekonomikalıq, mádeniy-gumanitar hám basqada tarawlar rawajlanıp atırǵanlıǵı atap ótildi.
Qaraqalpaqstan Tájikstan menen óz-ara birge islesiw joybarların elede keńeytip, hár tárepleme paydalı shártnamalar dúziwge tayar ekenligin bildirdi Qaraqalpaqstan Respublikası Ministrler Keńesiniń Baslıǵı Qaxraman Sariev.


QR Ministrler Keńesiniń Málimleme xızmeti