29.03.2024, Juma

«Jaslarǵa baylanıslı mámleketlik siyasattı ámelge asırıwda máhálledegi jaslar jetekshileriniń ornı» atamasında Respublikalıq ilimiy-ámeliy konferenciya bolıp ótti

Ózbekstan Respublikası Prezidentiniń 2022-jıl 19-yanvardaǵı 92-sanlı qararına muwapıq máhállelerde jaslar menen islesiw boyınsha jańa sistemanıń mazmun-mánisin ǵalabalastırıw, ilimpazlar hám juwapkerler qatnasıwında dodlaw maqsetinde «Jaslarǵa baylanıslı mámleketlik siyasattı ámelge asırıwda máhálledegi jaslar jetekshileriniń ornı» atamasında Respublikalıq ilimiy-ámeliy konferenciya bolıp ótti.

Konferenciyanı ótkeriwden maqset – jaslarǵa baylanıslı mámleketlik siyasattı ámelge asırıwda máhálledegi jaslar jetekshileriniń iskerliginde ushırasıp atırǵan mashqalalardı dodalaw hám olardıń iskerligin jánede jetilistiriw boyınsha usınıslardı islep shıǵıwdan ibarat. 

Konferenciyada Qaraqalpaqstan Respublikası Ministrler Keńesiniń Baslıǵı Q.Sariyev qatnasıp, Prezidentimiz tárepinen jaslarǵa jaratılıp atırǵan imkaniyatlar hám Qaraqalpaqstanda jaslarǵa baylanıslı mámleketlik siyasattı ámelge asırıw boyınsha islenip atırǵan jumıslar, jóninde maǵlıwmat berdi.
Sonıń menen birge bunday ilimiy-ámeliy konferenciyalardıń ótkeriliwi mámleketimizde jaslarǵa baylanıslı mámleketlik siyasattı ámelge asırıwda úlken tájiriybe maydanı bolıp xızmet etetuǵınlıǵı menen birge, jaslardıń kóz qarasların bayıtıp, zamanagóy jaslardı jetilistirip shıǵarıwda úlken áhmiyetke iye ekenligin atap ótti. 

QR Ministrler Keńesiniń Málimleme xızmeti