19.05.2022, Piyshembi

1-10 dekabr kúnleri Tashkent qalasında «Pal bayramı» hám pal hárreshilik ónimleriniń kórgizbeli seminarı bolıp ótedi

Prezidentimizdiń arnawlı qararı menen elimizde Pal hárreshilik tarawına úlken itibar qaratılmaqta. Tarawda erisilip atırǵan joqarı nátiyjelerdi keń jámiyetshilik arasında úgit-násiyatlaw, pal hárreshilerdiń óz-ara tájiriybe almasıwın támiyinlew maqsetinde hár jılı «Pal bayramı» hám pal hárreshilik ónimleriniń kórgizbeli seminarları shólkemlestirilip, onda Ózbekstan Respublikasınıń barlıq aymaqlarınan, sonıń menen birge sırt elli tájiriybeli pal hárreshiler ózleri jetistirgen ónimler menen qatnasıp kelmekte.


2021-jıldıń 1-dekabr sánesinen 10-dekabr sánesine shekem Tashkent qalasında gezektegi «Pal bayramı»n ótkeriw rejelestirilgen. Búgin Tashkent qalasında «Pal bayramı»nıń ashılıw máresimi bolıp ótpekte. Onda Qaraqalpaqstan Respublikasınan da bir qansha pal hárreshiler ózleriniń ónimleri menen qatnaspaqta.