29.03.2024, Juma

Isbilermenler menen ashıq sáwbet ótkerildi

Búgin Qaraqalpaqstan Respublikası Ministrler Keńesi Baslıǵı Qahraman Sariyev Qaraqalpaqstan Respublikası aymaǵında óz isbilermenligin baslap atırǵan isbilermenler menen ashıq sáwbet ótkerdi.

 



Prezidentimiz Shavkat Mirziyoev baslaması menen Qaraqalpaqstan Respublikasın sociallıq hám ekonomikalıq jaqtan rawajlandırıw ushın hár bir rayonǵa Ózbekstan Respublikasınıń 12 wálayatınan kelgen islep shıǵarıw, xizmet kórsetiw sıyaqlı hár qıylı tarawlarda jumıs alıp barıp atırǵan isbilermenler biriktirilgen  edi. Ótkerilgen ushrasıwda isbilermenlerge jaratılıp atırǵan imkaniyatlar, olardıń jumıs alıp barıwında ushırasıp atırǵan mashqalalar boyınsha keń túrde sóz etildi.

 


Ilaj sońında biriktirilgen rayon hákimleri hám tiyisli taraw wákillerine aymaqlarda isbilermenlikti qollap-quwatlaw hám rawajlandırıw boyınsha tiyisli tapsırmalar berildi.