19.05.2022, Piyshembi

Qaraózekte «Nuraniylar orayı»nıń qurılısı baslandı

Qaraózek rayonında «Nuraniylar orayı» imaratınıń qurılıs jumısları baslandı. Bul haqqında rayon hákimliginiń málimleme xızmeti xabar berdi.

 

Qurılısqa 1 mlrd 360 mln swm ajıratıldı. Házirgi kúnde imarattıń ekinshi qabatına gerbish óriw, sıbaw, elektr tarmaqların montajlaw hám basqa jumısları ámelge asırılmaqta.

 

Qurılıs jumısların usı jıldıń dekabr ayına juwmaqlaw názerde tutılmaqta. Qurılıs jumısları tolıq juwmaqlanǵannan soń, nuraniylar ushın dem alıw xanası, kitapxana, den-sawlıqların bekkemlew ushın sport zal, medicinalıq xanaları shólkemlestiriledi.