19.05.2022, Piyshembi

Shımbay rayonında bir neshe obektler paydalanıwǵa tapsırıldı

Búgin Shımbay rayonında bir neshe obektler paydalanıwǵa tapsırıldı. Atap aytqanda “Balalar muzika hám  kórkem-óner mektebı” imáratı, Mayjap APJ aymaǵında jaylasqan 10-sanlı Mektepke shekemgi bilimlendiriw shólkemi, Qızıl -ózek APJ  aymaǵında jaylasqan 3-sanlı Mektepke shekemgi bilimlendiriw shólkemlerinde rekonstrukciya qurılıs ońlaw jumısları alıp barıldı hám búgin balalarg’a  inám etildi.


Sonıń menen birge «Qızıl-ózek» awıl puxaralar jıyını aymagındagı «Bolıs» awılına jetkerip beriwshi hám bólistiriwshi ulıwma uzınlıǵı 11,5 km bolǵan ishimlik suwı tarmaqları jańadan qurılıp   «Bolıs» suw bólistiriw  imáratı paydalanıwǵa tapsırıldı.


Shımbay rayonı «Qızıl-ózek» awıl puxaralar jıyını aymaǵındaǵı «Bolıs» awılında jámi 161 xojalıq bar bolıp, alıp barılgan qurılıs jumıslar nátiyjesinde awıl turǵınları tólıgı menen ishimlik suwı menen támiyinlendi.

Jaqsı is jaqsı ámeller nátiyjesinde rayonımızdaǵı «Orjap» makan puqaralar jıyını imáratı da paydalanıwǵa tapsırıldı. Rayonımızdaǵı sońǵı ózgerisler kórgen kózdi quwandırmay qoymaydı.