28.03.2024, Piyshembi

Gúres federaciyasınıń Qaraqalpaqstan bólimine xızmet avtomashinası tapsırıldı

Prezidentimiz tárepinen elimizde sporttı hám salamat turmıs tárizin úgit-násiyatlaw, ásirese jaslarımızdıń turaqlı túrde sport penen shuǵıllanıwı ushın barlıq sharayatlar jaratılmaqta.
Búgingi kúnde Qaraqalpaqstanda 3384 sport imaratları jaslarımızdıń ıqtıyarında. Sonday-aq, Qaraqalpaqstan Respublikası Ministrler Keńesine tiyisli bolǵan imaratqa 1,1 mlrd.swm qarjı ajıratılıp Gúres orayına aylandırıldı hám paydalanıwǵa tapsırıldı. Házirgi waqıtta bul sport zalda 400 den aslam sportshılar turaqlı túrde shuǵıllanıp kelmekte. 


Qaraqalpaqstan Respublikasında Gúres federaciyasınıń Qaraqalpaqstan bólimine bolǵan itibar, onıń materiallıq-texnikalıq bazasın bekkemlew boyınsha alıp barılıp atırǵan jumıslar nátiyjesinde 6 jáhán chempionı, 12 Aziya chempionları jetisip shıǵıp, 20 sportshımız xalıqaralıq turnirlerde jeńimpaz boldı. 




Ámeliy islerdiń dawamı sıpatında búgin Gúres federaciyasınıń Qaraqalpaqstan bólimine “Cobalt” markalı xızmet avtomashinası saltanatlı túrde tapsırıldı. 
Avtotarnsorttı tapsırıw máresimine Qaraqalpaqstan Respublikası Ministrler Keńesi Baslıǵı Qaxraman Sariev, Qaraqalpaqstan Respublikası prokurorı Farxad Allambergenov taraw xızmetkerleri menen sport ustaları qatnastı. 
Máresimde Ministrler Keńesi Baslıǵı Qaxraman Sariev sózge shıǵıp, sportshılardı búgingi kúndegi jetiskenlikleri menen qutlıqlap, aldaǵı waqıtlarda kútilip atırǵan jarıslarda qolları bálent keliwine tilekleslik bildirdi. 

QR Ministrler Keńesiniń Málimleme xızmeti