28.03.2024, Piyshembi

Aral ultanında kishi kól hám qamıszarlar payda bolmaqta

2019-jıldıń 26-yanvar kúni  Moynaqtan 200 km, Nókisten 400 km qashıqlıqta, Aral teńiziniń ultanınan dushshı suw shıqqanı haqqında xabar berilgen edi. 
Bul artezian qudıq 260-280 metr tereńlikten tabılǵan bolıp, sekundına 7 litr suw shıǵatuǵını aytılǵan edi. 
Mine aradan eki jıl ótip suw tabılǵan aymaq ózgeshe túske endi. Suw turaqlı aǵıp turǵanlıǵı sebepli Aral teńiziniń qurıǵan ultanında kishi kól payda bolıp qamıslar ırǵalıp tur. Bulardı siz kórip turǵan kórinislerden ańlaw qıyın emes.