28.03.2024, Piyshembi

2,5 sotok ıssıxanadan 5 tonna qıyar

Men jumıssızban maǵan onı ber, bunı ber dep otırmay úy qaptalı qıytaq jerinen únemli paydalanıwdı maqset etken zamanlasımız, Nókis qalası turǵını Abubakirov Turǵaliy 2019-jıldan baslap ıssıxana jumısı menen shuǵıllanadı. Ol 2,5 sotok jerge qurılǵan ıssıxanada shańaraq aǵzaları menen birge miynet etip, jılına 5 tonna qıyar jetistiredi hám sol arqalı dáramat tabıwdı meńgergen. Itibarlı tárepi ıssıxanada tamshılatıp suwǵarıw texnologiyasınan paydalanadı. Bul óz gezeginde kem qárejet jumsap kóp dáramat tabıwǵa imkaniyat jaratadı.
Tek ǵana ıssıxana menen sheklenip qalıwdı ózine ep kórmegen Turǵaliy Abubakirov úyinen nan cexın shólkemlestirip, ózi jasap atırǵan aymaq turǵınlarına sapalı xızmet kórsetpekte.