29.03.2024, Juma

Nókis Prezident mektebinde “Ted talk Nukus” joybarı iske tústi

Nókis qalasındaǵı Prezident mektebinde 2021-jıl 25-fevral kúni “Ted talk” joybarı iske túsirildi. Bul joybar inglis tili oqıtıwshısı Bekmuratova Venera hám shet eldiń muǵallimleri tárepinen shólkemlestirildi. “Ted talk Nókis PM” joybarı mektep oqıwshıları menen tájiriybeli insanlar bir tema átirapında ózleriniń kózqarasları menen bólisedi. Bul álbette,   pikir almasıw platforması hám jańa ideyalardıń tuwılıw ortalıǵı bolıp xızmet etedi.

 

“Ted talk”tıń búgingi sanında mektebimizdiń 9-klass oqıwshıları “Honesty and Integrity” temasında sózge shıǵıp,   óz pikrlerin,   dáliller menen tastıyıqlap berdi. Bunnan soń,   keshe miymani,   inglis tili páni muǵallimi Mrs. Zora Keffer de sózge shıqtı.

 

Bul joybar oqıwshılardıń sın pikirlewin,   qarım-qatnas hám sóylew mádeniyatı kónlikpelerin rawajlandırıp,   keleshek jaslarımızdıń iskerligin asırıwga óz úlesin qosadı.