28.09.2022, Sárshembi

TAEKVONDO (WT) SPORT TÚRIN BUNNAN BÍLAY DA RAWAJLANDÍRÍW ILAJLARÍ HAQQÍNDA


Ózbekstan Respublikası Prezidentiniń qararı
Ózbekstan Respublikası Prezidentiniń 2022-jıl 14-fevraldaǵı «Ózbekstan sportshılarınıń gezektegi jazǵı hám qısqı Olimpiya hám Paralimpiya oyınlarında tabıslı qatnasıwı ushın tayarlıq jumısların jedellestiriw haqqında»ǵı PQ-127-sanlı qararına muwapıq, sonday-aq, taekvondo (WT)nı olimpiya sport túri sıpatında ǵalaba en jaydırıw, jaslar arasınan sportshılardı tańlap alıw sistemasın jaqsılaw, milliy saylandı komandalarımızdıń abıraylı sport jarıslarında joqarı nátiyjelerge erisiwin támiyinlew maqsetinde:
1. Tómendegiler 2022-2024-jıllarda taekvondo (WT) sport túrin (keyingi orınlarda – taekvondo) rawajlandırıwdıń tiykarǵı baǵdarları etip belgilensin:
taekvondonı xalıqtıń arasında keńnen úgit-násiyatlaw, qábiletli sportshılardı, sonıń ishinde, sportshı-hayal-qızlardı anıqlaw, tańlap alıw (selekciya) hám olardı professional sportshılar sıpatında tayarlawdıń jańa sistemasın jolǵa qoyıw;
mektepke shekemgi jastaǵı balalarda taekvondonıń «Pumse» (p99m!a3) baǵdarına qızıǵıwshılıq oyatıw arqalı nápes alıw, eslew hám koncentraciyanı jaqsılaw, vestibulyator apparattı shınıqtırıw sıyaqlı salamatlandırıw jumısların alıp barıw, sonday-aq, keleshekte mektepke shekemgi bilimlendiriw shólkemlerinde Koreya xalıqaralıq birge islesiw agentligi (K98CA) menen birgelikte «K8d! taekvondo» joybarın iske qosıw boyınsha tiyisli ilajlardı ámelge asırıw;
sociallıq qorǵawǵa mútáj jaslar, mehribanlıq úyleriniń tárbiyalanıwshıları, kóp balalı shańaraqlar perzentleriniń taekvondo menen shuǵıllanıwı ushın aymaqlarda «Taekvondo (25) hámme ushın» baǵdarlamasın islep shıǵıw hám ámelge asırıw;
zárúr sharayatları bar ulıwma orta bilim beriw mekteplerinde taekvondo boyınsha sabaqtan tısqarı óz aldına sport sekciyaların shólkemlestiriw, olarǵa mektep jaylasqan aymaqtaǵı sport mektebi hám basqa mákemeden trener-muǵallimlerdi tartıw, sonday-aq, orta arnawlı, professional hám joqarı bilimlendiriw shólkemleriniń oqıwshı hám studentleri ushın taekvondo boyınsha fakultativ shınıǵıwlardı engiziw, taekvondo klubların dúziw;
taekvondo boyınsha xalıqaralıq talaplarǵa muwapıq zamanagóy sport komplekslerin qurıw, sport kompleksleriniń materiallıq-texnikalıq bazasın bekkemlew, olardı zamanagóy sport úskeneleri hám inventarları menen támiyinlew;
aymaqlıq saylandı komandalardıń tiykarǵı tayarlıq orayları sıpatında Qaraqalpaqstan Respublikası, wálayatlar hám Tashkent qalasında jeńil konstrukciya tiykarında qurılatuǵın oraylar shólkemlestiriw;
taekvondonı oqıtıwdıń zamanagóy metodikalarǵa tiykarlanǵan ilimiy-metodikalıq hám oqıw ádebiyatlar menen támiyinlew hám medicinalıq xızmetti rawajlandırıw;
jergilikli kárxanalar tárepinen sırt el kompaniyaları menen birgelikte taekvondo boyınsha xalıqaralıq standartlarǵa sáykes zamanagóy inventarlar hám úskeneler islep shıǵarıwdı jolǵa qoyıw;
ǵalaba xabar qurallarında salamat turmıs táriziniń eń áhmiyetli strukturalıq bólegi sıpatında taekvondonı úgit-násiyatlaw hám bul processte joqarı dárejedegi málimleme texnologiyaları hám multimedia ónimlerinen paydalanılıwın támiyinlew.
2. Taekvondo (25) sport túrin 2022-2024-jıllarda keńirek rawajlandırıw baǵdarlaması (keyingi orınlarda – Baǵdarlama) 1-qosımshaǵa muwapıq tastıyıqlansın.
Tómendegiler baǵdarlamanı qarjılandırıw dárekleri etip belgilensin:
sport hám ǵalabalıq denetárbiya  ilajlarınıń kalendar rejesinde názerde tutılatuǵın qarjılar;
Qaraqalpaqstan Respublikasınıń respublikalıq byudjeti, wálayatlardıń wálayatlıq byudjeti hám Tashkent qalasınıń qalalıq byudjeti qarjıları;
sport federaciya (associaciya)ları, qorlar, klublar, sonday-aq, denetárbiya hám sport jámiyetleriniń qarjıları;
fizikalıq hám yuridikalıq táreplerdiń qáwenderlik qayırqomlıqları;
nızamshılıq hújjetleri menen qadaǵan etilmegen basqa da dárekler.
3. Sporttı rawajlandırıw ministrligi, Ózbekstan Milliy olimpiya komiteti, Ózbekstan Milliy paralimpiya komiteti, Ózbekstan taekvondo (25) associaciyasınıń 2023-jıldan baslap hár jılı dástúriy tárizde:
respublikanıń barlıq aymaqlarında 4-sentyabr – Pútkil jáhán taekvondo kúnine baǵıshlanǵan taekvondo festivalı;
taekvondo hám parataekvondo boyınsha «Gǵ» dárejesindegi abıraylı «7zb3k8!5an 9p3n»  xalıqaralıq turniri;
taekvondo boyınsha ulıwma orta bilim beriw mektepleriniń oqıwshıları, sonday-aq, orta arnawlı, professional hám joqarı bilimlendiriw shólkemleriniń oqıwshı hám studentleri arasında «Ministr kubogi» jarısların ótkeriw haqqındaǵı usınısları maqullansın.
Sporttı rawajlandırıw ministrligi (Sh.Maxmudov) Ózbekstan Milliy olimpiya komiteti (O.Qosimov), Ózbekstan Milliy paralimpiya komiteti (M.Tashxodjaev), Ózbekstan taekvondo (25) associaciyası (Sh.Tashmatov), Xalıq bilimlendiriw ministrligi (V.Rajapov), Joqarı hám orta arnawlı bilimlendiriw ministrligi (A.Toshqulov) menen birgelikte:
úsh ay múddette usı bántte kórsetilgen jarıslarǵa puqta tayarlıq kóriw hám olardı joqarı dárejede ótkeriw boyınsha ilajlar rejesin tastıyıqlasın;
usı bántte kórsetilgen taekvondo festivalı hám xalıqaralıq turnirdi 2023-jıl 1-yanvardan baslap sport hám ǵalabalıq denetárbiya ilajlarınıń respublikalıq kalendar rejesine kirgiziliwin támiyinlesin;
taekvondo festivalı hám xalıqaralıq turnirde jergilikli taekvondoshılar menen birgelikte joqarı reytingke iye bolǵan xalıqaralıq dárejedegi kúshli taekvondoshılar, trenerler hám tóreshilerdiń qatnasıwın támiyinlesin;
bul jarıslardı ótkeriw procesin jergilikli hám sırt el ǵalaba xabar quralları hám basqa da kommunikaciya dáreklerinde keńnen sáwlelendirsin.
Turizm hám mádeniy miyras ministrligi (B.Ibragimov) joqarıdaǵı jarıslardı turistlik marshrutlar obektleri dizimine kirgizsin, olarǵa sırt el hám jergilikli turistlerdi tartıw ilajların kórsin.
4. 2022-2024-jıllarda taekvondo (25) sport túrin rawajlandırıwdıń maqsetli kórsetkishleri 2-qosımshaǵa muwapıq tastıyıqlansın.
5. Sporttı rawajlandırıw ministrligi, Qorǵanıw ministrligi, Ózbekstan Milliy olimpiya komiteti, Ózbekstan taekvondo (25) associaciyasınıń associaciya sistemasında Ózbekstan taekvondo akademiyasın (keyingi orınlarda – Taekvondo akademiyası) shólkemlestiriw haqqındaǵı usınısına kelisim berilsin.
Taekvondo akademiyası:
Pútkiljáhán «K7kk829n» taekvondo akademiyası menen birgelikte Oraylıq Aziyada jańa «l3ad34!h8p» imidjin jaratıw maqsetinde shólkemlestiriletuǵını;
Qorǵanıw ministrliginiń injenerlik-kommunikaciya tarmaqları (tábiyǵıy gaz, elektr, telekommunikaciya, ishimlik hám aqaba suw tarmaqları) bar obektleriniń birinde jaylastırılatuǵını belgilensin.
6. Sporttı rawajlandırıw ministrligi (A.Ikramov), Qorǵanıw ministrligi (B.Qurbanov), Ózbekstan Milliy olimpiya komiteti (O.Qosimov), Ózbekstan taekvondo (25) associaciyası (Sh.Tashmatov):
bir ay múddette Pútkiljáhán «K7kk829n» taekvondo akademiyasınıń usınısların esapqa alıp, Taekvondo akademiyası jaylasatuǵın anıq mánzildi belgilesin;
2023-jıl 1-sentyabrge shekem Taekvondo akademiyasın innovaciyalıq texnologiyalarǵa tiykarlanǵan, qımbat bolmaǵan, energiyanı únemleytuǵın hám tez qurılatuǵın jeńil konstrukciya hám materiallardan qurıw jumısların juwmaqlasın hám paydalanıwǵa tapsırsın. Onda, akademiyanıń imaratı hám zárúr infrastrukturasın qurıw 2023-jıldaǵı Ózbekstan Respublikasınıń sociallıq hám óndirislik infrastrukturasın rawajlandırıw baǵdarlamasına kirgiziledi.
Qurılıs ministrligi (B.Zakirov) Taekvondo akademiyasın qurıw boyınsha joybarlaw-smeta hújjetlerin belgilengen tártipte ekspertizadan ótkersin hám qurılıs-montajlaw jumıslarınıń sapalı orınlanıwı ústinen mámleketlik qadaǵalawdı ornatsın.
7. Tómendegiler Taekvondo akademiyasınıń tiykarǵı wazıypaları etip belgilensin:
taekvondo, sonıń ishinde, parataekvondo (25) boyınsha sportshılar, trenerler, trener-selekcionerler, tóreshiler hám basqa da qánigelerdiń kásiplik sheberligi hám mamanlıǵın arttırıw;
taekvondo, sonıń ishinde, parataekvondo (25) boyınsha professional, joqarı maman sportshılar, trenerler, trener-selekcionerler, tóreshiler hám basqa da qánigelerdi xalıqaralıq talaplar tiykarında tayarlawǵa járdemlesiw;
taekvondo, sonıń ishinde, parataekvondo (25) boyınsha oqıw baǵdarlamaların hám metodologiyanı jańalaw, jaslardıń tayarlıq procesine aldınǵı innovaciyalıq texnologiyalardı engiziw;
jergilikli hám sırt el qánigeleriniń qatnasıwında seminar-treningler, master-klasslar, oqıw shınıǵıwların shólkemlestiriw.
8. Tómendegiler Taekvondo akademiyası jumısın qarjılandırıw dárekleri etip belgilensin:
Ózbekstan taekvondo (25) associaciyası qarjıları;
fizikalıq hám yuridikalıq táreplerdiń qáwenderlik qayırqomlıqları;
xalıqaralıq hám sırt el shólkemleriniń grantları;
nızamshılıq hújjetleri menen qadaǵan etilmegen basqa da dárekler.
Taekvondo akademiyasınıń jumısın qosımsha qarjılandırıw ushın Mámleketlik byudjet qarjıları da qaratılıwı múmkin.
Ministrler Kabineti úsh ay múddette Taekvondo akademiyasınıń jumısın shólkemlestiriw boyınsha Húkimet qararın qabıl etsin.
9. Qorǵanıw ministrligi (B.Kurbanov), Sporttı rawajlandırıw ministrligi (A.Ikramov), Ózbekstan taekvondo (25) associaciyası (Sh.Tashmatov) Qurallı Kúshler sistemasında taekvondonı ǵalaba en jaydırıw hám rawajlandırıw jumısların ámelge asırsın, sonıń ishinde, áskeriy xızmetkerler arasında turnirler hám jarıslardı shólkemlestirsin, olardı sport rezervi hám saylandı komandalardıń quramına tartsın.
10. Qaraqalpaqstan Respublikası Ministrler Keńesiniń Baslıǵı, wálayatlar hám Tashkent qalası hákimleriniń taekvondo boyınsha saylandı komandalardıń tiykarǵı tayarlıǵı ushın 2023-2024-jıllarda aymaqlarda 14 qánigelestirilgen taekvondo orayın qurıw hám olardı zamanagóy sport inventarları hám úskeneleri menen támiyinlew boyınsha baslaması qollap-quwatlansın.
a) qánigelestirilgen taekvondo orayları qábiletli jas sportshılardı tańlap alatuǵını hám olardı keleshekte milliy saylandı komandalardıń tiykarǵı hám rezerv quramına tayarlap beretuǵını, sonday-aq, aymaqlıq tańlap alıw jarısların, klub chempionatların shólkemlestiriletuǵını hám ótkeretuǵını;
b) tómendegiler qánigelestirilgen taekvondo oraylarınıń jumısın qarjılandırıw dárekleri esaplanatuǵını belgilensin:
Qaraqalpaqstan Respublikası byudjeti, wálayatlar hám Tashkent qalası jergilikli byudjetleriniń qarjıları;
fizikalıq hám yuridikalıq táreplerdiń qáwenderlik qayırqomlıqları;
xalıqaralıq hám sırt el shólkemleriniń grantları;
nızamshılıq hújjetleri menen qadaǵan etilmegen basqa da dárekler.
Ministrler Kabineti úsh ay múddette qánigelestirilgen taekvondo oraylarınıń jumısın shólkemlestiriw boyınsha Húkimet qararın qabıl etsin.
11. Sporttı rawajlandırıw ministrligi (A.Ikramov) Xalıq bilimlendiriw ministrligi (B.Saidov) menen birgelikte 2023-jıl 1-yanvardan baslap 3-qosımshaǵa muwapıq ulıwma orta bilim beriw mektepleri oqıwshılarınıń denetárbiyasına úlken dóretiwshilik tásir kórsetetuǵın sport túri – taekvondoǵa qızıǵıwshılıǵın arttırıw maqsetinde taekvondo boyınsha sabaqtan tısqarı óz aldına sport selekciyaların shólkemlestirsin, olarǵa mektep jaylasqan aymaqtaǵı sport mektebi hám basqa mákemeden trener-muǵallimlerdi tartsın.
12. 2022-jıl 1-oktyabrden baslap Mırza Ulıǵbek atındaǵı Ózbekstan Milliy universitetinde «Taekvondo hám sport jumısı» fakulteti janında Sportshılardı ilimiy-metodikalıq hám medicinalıq-biologiyalıq támiyinlew mashqalaları laboratoriyası shólkemlestirilsin hám onıń jumısı universitettiń byudjetten tısqarı qarjıları esabınan qarjılandırılsın.
Joqarı hám orta arnawlı bilimlendiriw ministrligi (A.Toshqulov), Sporttı rawajlandırıw ministrligi (Sh.Maxmudov), Ózbekstan Milliy olimpiya komiteti (O.Qosimov), Ózbekstan taekvondo (25) associaciyası (Sh.Tashmatov) Mırza Ulıǵbek atındaǵı Ózbekstan Milliy universitetiniń «Taekvondo hám sport jumısı» fakultetinde taekvondo boyınsha maman qánigelerdi tayarlaw maqsetinde zamanagóy innovaciyalıq texnologiyalar tiykarında kásiplik bilimlendiriwdi jetilistiriw, ilimiy, ilimiy-metodikalıq bazanı jaratıw hám bunnan bılay da rawajlandırıw ilajların kórsin. 
13. Qaraqalpaqstan Respublikası Ministrler Keńesiniń Baslıǵı, wálayatlar hám Tashkent qalası hákimleri:
úsh ay múddette Ózbekstan taekvondo (25) associaciyasınıń aymaqlıq bólimlerine tiyisli sharayatlardı jaratıw, olardıń finanslıq hám materiallıq-texnikalıq bazasın bekkemlewge járdemlesiw ushın olarǵa aymaqlardaǵı iri shólkemler hám qáwenderlerdi biriktirsin;
Ózbekstan taekvondo (25) associaciyasınıń aymaqlıq bólimlerinde trener-instruktor lawazımın engiziw arqalı taekvondo baǵdarı boyınsha joqarı bilimendiriw mákemelerin pitkerip, saylandı komandaǵa tartılmaǵan jas trener-kadrlardı tartsın;
taekvondonı ǵalaba en jaydırıw maqsetinde jaslar arasında rayon (qala) hám aymaq kólemindegi jarıslardı turaqlı túrde shólkemlestirsin;
taekvondo boyınsha shólkemlestiriletuǵın jergilikli hám sırt el oqıw-shınıǵıw jıyınları hám sport jarıslarında aymaqlıq sport komandalarınıń qatnasıwın támiyinlesin.
14. Ózbekstan Respublikası Prezidentiniń ayırım qararlarına 4-qosımshaǵa muwapıq ózgerisler hám qosımshalar kirgizilsin.
15. Usı qarardıń orınlanıwın nátiyjeli shólkemlestiriwge juwapker hám jeke juwapker etip sporttı rawajlandırıw ministri A.I.Ikramov, sporttı rawajlandırıw ministriniń orınbasarı Sh.Sh.Maxmudov hám Ózbekstan taekvondo (25) associaciyasınıń baslıǵı Sh.R.Tashmatov belgilensin hám olarǵa tómendegi wazıypalar júklensin:
qábiletli jaslardı tańlap alıw (selekciya) hám olardı professional taekvondoshılar sıpatında tayarlaw jumısların nátiyjeli shólkemlestiriw hám muwapıqlastırıw;
aymaqlarda taekvondo infrastrukturasın jaratıw hám keńeytiwge investiciya hám grant qarjıların tartıw, basqa da zárúr ilajlardı kóriw;
taekvondonı bilimlendiriw mákemeleri, jaslar arasında keńnen úgit-násiyatlaw arqalı ǵalaba en jaydırıw, xalıqtıń bul sport túrine qızıǵıwshılıǵın arttırıw;
taekvondo boyınsha jarıslardı ótkeriw, bul baǵdarda xalıqaralıq hám sırt el shólkemleri, fizikalıq hám yuridikalıq táreplerdiń qáwenderlik qayırqomlıqların tartıw;
2022-2024-jıllarda taekvondonı rawajlandırıwdıń maqsetli kórsetkishlerine tolıq túrde erisiw;
usı qararda belgilengen wazıypalardıń orınlanıwın hár yarım jılda keminde bir márte sın kózqarastan dodalaw, zárúr ilajlardı belgilew.
16. Usı qarardıń orınlanıwın dodalap barıw, juwapker shólkemlerdiń jumısın muwapıqlastırıw hám qadaǵalaw Ózbekstan Respublikasınıń Bas ministri A.N.Aripovqa hám Ózbekstan Respublikası Prezidentiniń keńesgóyi A.A.Abduvaxitovqa júklensin.

Ózbekstan Respublikası
Prezidenti Sh.MIRZIYoEV 
Tashkent qalası,
2022-jıl 29-iyul