29.03.2024, Juma

ÓZBEKSTAN RESPUBLIKASÍ PREZIDENTINIŃ 2022-JÍL 2-IYuLDEGI «QARAQALPAQSTAN RESPUBLIKASÍ AYMAǴÍNDA AYRÍQShA JAǴDAYLAR ENGIZIW HAQQÍNDA»ǴÍ PP-164-SANLÍ PÁRMANÍNA ÓZGERISLER KIRGIZIW HAQQÍNDA

Ózbekstan Respublikası Prezidentiniń pármanı

Ózbekstan Respublikasınıń «Ayrıqsha jaǵdaylar haqqında»ǵı Konstituciyalıq nızamına muwapıq:

1. Ózbekstan Respublikası Prezidentiniń 2022-jıl 2-iyuldegi «Qaraqalpaqstan Respublikası aymaǵında ayrıqsha jaǵdaylar engiziw haqqında»ǵı PP-164-sanlı Pármanınıń 2-bántindegi «saat 21:00 den saat 07:00ge shekem» cózleri «saat 23:00 den saat 05:00 ge shekem» sózleri menen almastırılsın.

2. Usı Párman qol qoyılǵan kúnnen baslap kúshke kiredi hám ǵalaba xabar qurallarında jedellik penen járiyalanıwı shárt.

3. Usı Párman Ózbekstan Respublikasınıń Oliy Majlisi palatalarına tastıyıqlaw ushın jiberilsin.

4. Usı Pármannıń orınlanıwın qadaǵalaw Ózbekstan Respublikasınıń Bas ministri A.N.Aripovqa hám Ózbekstan Respublikası Prezidenti janındaǵı Qáwipsizlik keńesiniń xatkeri V.V.Mahmudovqa júklensin.

Ózbekstan Respublikası

Prezidenti Sh.MIRZIYoEV

Tashkent qalası

2022-jıl 13-iyul