Axborot va ommaviy kommunikasiyalar agentligi tomonidan
BMTning O‘zbekistondagi vakolatxonalari bilan hamkorlikda tashkil etilgan
«Orolga hayot bag‘ishla» mavzusidagi xalqaro onlayn-konferensiya boshlandi.
Anjumanning
maqsadi Orol dengizi fojiasi to‘g‘risida xabardorlikni global miqyosda
oshirishdan iborat. Tadbirda xalqaro tashkilotlar vakillari, ekologlar,
olimlar, inflyuyenser va blogerlar ishtirok etmoqda.
Konferensiyada ekologik fojianing salbiy oqibatlarini yumshatishning qo‘shimcha chora-tadbirlari sifatida mahalliy aholini ish bilan ta’minlash, turmush sharoitini yaxshilash nuqtai nazaridan mintaqada ijtimoiy tadbirkorlikni rivojlantirish bo‘yicha xorij tajribasini joriy etish istiqbollari, atrof-muhitni qayta tiklash bo‘yicha innovasion vositalar va mexanizmlar, Orolbo‘yida sog‘liqni saqlash tizimidagi muammolarni hal etishning ustuvor masalalari muhokama qilinadi.