16.12.2018, Ekshembi

Milliy bayramlar


14 yanvar – Watan qorǵawshıları kúni.


Похожее изображение



    Ǵárezsiz Ózbekstanda usı bayram óz Qurallı Kúshlerin shólkemlestiriwge baqıshlanǵan. 1992-jıl 14-yanvarda Respublika parlamenti elimiz aymaǵındaǵı áskeriy oqıw orınları hám basqa da áskeriy mákemelerdiń barlıq bólimleri menen birlespeleriniń Ózbekstan Respublikası yurisdikciya qaramaǵına ótiwi haqqında qararı qabıl etildi. 1993-jıl 29-dekabrde 14-yanvar – Watan qorǵawshıları kúni dep járiyalandı.

8-mart – Xalıqaralıq Hayal-qızlar kúni. Ózbekstanda bull bayram muhabbat, mehribanlıq hám gózzallıq bayramı sıpatında belgilenedi. Sonday-aq, «Analar kúni» sıpatında da belgili. 8-mart Ózbekstanda dem alıs kúni dep belgilengen.


8-mart  Xaliq aralıq Hayal-qızlar kúni.


Картинки по запросу 8 mart - Xalqaro xotin-qizlar kuni


Ózbekstanda bul bayram muhabbat, mehribanlıq hám gózzallıq bayramı sıpatında belgilenedi. Sonday-aq, «Analar kúni» sıpatında da belgili. 8-mart Ózbekstanda dem alıs kúni dep belgilengen.


21-mart – Nawrız milliy baramı.


Картинки по запросу 21 Mart - Navro'z bayrami
 


Nawriz  (parsı tilinen alınǵan bul sózdiń biziń tilimizdegi awdarması «jańa kún» degendi ańlatadı)  Nawrız bayramı 21-mart kúni belgilenedi. Bul kún – kún menen túnniń teńlesken waqtına tuwra keledi.

Elimiz ǵárezsizlikke eriskennen soń Ózbek hám qaraqalpaq xalıqlarınıńáyyemgi úrp-ádetleri menen dástúrleri kúshke kirip, sonıń ishinde, Nawrız bayramın bayramlaw ózine tán túske iye boldı. Bul bayram Ózbekstanda jasap atırǵan barlıq xalıqlardıń doslıq hám awızbirshilik simvolına iye bolǵan ulıwmaxalıqlıq bayram bolıp tabıladı. Búgingi kúnde Nawrıs bayramı Ózbekstan Respublikasınıń barlıq aymaqlarında, sonıń ishinde, Qaraqalpaqstanda joqarı kóterińkilik ruwxında keń túrde belgilenedi.



9 -may – Eslew hám Qádirlew kúni.


Картинки по запросу 9 may - Xotira va qadrlash kuni



 1999-jıl 9-may kúni Ózbekstan paytaxtında Eslew maydanı ashıldı hám sol kúnnen baslap 9-may – Eslew hám qádirlew kúni dep belgilenip kelinbekte. Bul bayram úlken mániske iye bolıp, ol ǵárezsiz Ózbekstanda ásirler dawamında qahramanlarsha  elimizdi qorǵaǵan, onıń erkinligi, ǵárezsizligi hám xalqınıń tınıshlıǵı ushın gúresken watanlaslar esteligine baǵıshlanıw menen bir qatarda, ol ulıwmaxılıqlıq esteligi hám insandı qádirlew kúni bolıp esaplanadı. Eslew hám Qádirlew kúni shın mánisindegi milliy ulıwmaxalıqlıq bayram bolıp tabıladı. Sońǵı payıtta Húrmetli Prezidentimiz Sh.M.Mirziyoev tárepinen bul bayramǵa ayrıqsha áhmiyet qaratılıp, bayram ilajları elimiz boylap kóterińki ruwxda shólkemlestirilmekte.


1-sentyabr – Ǵárezsizlik kúni.


Картинки по запросу 1 sentyabr mustaqillik kuni



 Bul bayram Ózbekstan Respublikasınıń tiykarǵı milliy bayramı – Ǵárezsizlikke erisken kúni bolıp tabıladı. Bayram elimiz boylap hár jılı saltanatlı ráń-báreń túrde belgilenedi. Milliy bayram doslıq, qayırqomlıq hám hár tárepleme húrmetke súyengen ózbek hám qaraqalpaq xalqınıń arzıw-niyetlerin hám maqtanıshın sáwlelendiretuǵın bayram bolıp tabıladı.

Ózbekstan jasap atırǵan barlıq millet wákilleri milleti, dini hám kelip shıǵıwına qaramastan Ózbekstannıń barlıq aymaqlarında usı bayramdı kóterińki ruwxta belgileydi.



1 - oktyabr – Ustazlar hám muǵállimler kúni.


Похожее изображение


Hár jılı bul bayram Ózbekstan Respublikasında keńnen belgilenip kelinbekte. Áyyemgi zamanlardan ustazlarǵa tereń húrmet hám itibar saqlanıp qalǵan. «Muǵállim», «Ustaz» hám «Jol kórsetiwshi» sıyaqlı sózler óz ustazlarınan tek ǵana bergen bilimlerin emes, al xalıqqa bolǵan húrmetin, Ana-Watanǵa muhabbatın oqıwshılar ásirler dawamında minnetdlarshılıq penen tilge alǵan.

Mektep hám sońǵı oqıw mákemeleriniń oqıwshıları turmıstıń dáslepki bilimlerin bergen ustazların tereń húrmet etedi.



8 - dekabr  Konstituciya kúni. 


Картинки по запросу 8 dekabr - Konstitutsiya kuni



 Ózbekstan Respublikasınıń Konstituciyası 1992-jıl 8-dekabrde qabıl etilgen. Usı bayram hár jılı Ózbekstan Respublikası  boylap keńnen belgilenedi.



Ramazan Hayıtı. 


Картинки по запросу Ramazon Hayiti


 Bul bayram Oraza hayıtı sıpatında tanılǵan hám musılman (Hijriy) kalendardıń 9-ayına tuwra keledi. Bayram 30 kúnnen ibarat bolıp, ol ruwxıy pákleniw dástúri bolıp tabıladı. Onıń shártleri tómendegishe: tań atıwdan kún batqanǵa shekem awqat hám suw ishpew; jaman oylardan saqlanıw; átiraptaǵılarǵı húrmet penen qaraw hám olarǵa múmkinshiligi bolǵanınsha jaqsılıq etiwden ibarat.

Usı shártlerdi orınlaǵanan soń úsh kúnnen ibarat bolǵan Ramazan Hayıtı baslanadı. «Ramazan hayıtı»nıń birinshi kúni dem alıs kúni, dep belgilenedi.


Qurban Hayıtı.


Похожее изображение

Qurban Hayıtı. Musılmanlar tárepinen belgilenetuǵın dúnyadaǵı eń úlken bayramlardan biri bolıp tabıladı. Bul bayramnıń negizi óz ulın Alla jolına qurban etiwge tayar bolǵan Payǵambar Ibrahim (a.s) ǵa baylanıslı bolǵan tariyxıy waqıyaǵa barıp taqaladı. Sonda onıń bul háreketi

Alla tárepinen  toqtatılıp, onıń ornına haywan (qoy, eshki, sıyır, túye hám basqa da)lardı qurban etiw buyırıladı. Bayram úsh kún dawam etedi hám musılmanlar usı kúnlerdi shańaraq hám tuwısqanları menen belgileydi. Bayram kúnleri adamlar jaqın-alısta jasaytuǵın jaqınlarınıń ¬halınan xabar aladı, mútáj insanlarǵa árdem beriledi. «Qurban hayıtı»nıń birinshi kúni dem alıs kúni bolıp tabıladı.