16.12.2018, Ekshembi

Ulıwma maǵlıwmat

«QARAQALPAQSTAN RESPUBLIKASĺ MINISTRLER KEŃESI HAQQĺNDA» QARAQALPAQSTAN RESPUBLIKASĺNĺŃ NĺZAMĺ
(TAZA REDAKCIYАDA)
 
 
I-BÓLIM. ULĺWMA REJELER
1-statya. Qaraqalpaqstan Respublikası Ministrler Keńesi – Qaraqalpaqstan Respublikasınıń Húkimeti.
 
Qaraqalpaqstan Respublikası Ministrler Keńesi – Qaraqalpaqstan Respublikası Húkimeti-ekonomikanıń,  sociallıq hám ruwxıy salanıń nátiyjeli islewine basshılıq etiwshi,  Ózbekstan Respublikası nızamlarınıń hám Ózbekstan Respublikası Oliy Majlisi Palataları sheshimleriniń,  Ózbekstan Respublikası Prezidenti pármanlarınıń,  qararlarınıń hám biylikleriniń,  Ózbekstan Respublikası Ministrler Kabinetiniń qararlarınıń hám biylikleriniń,  Qaraqalpaqstan Respublikası nızamlarınıń hám Qaraqalpaqstan Respublikası Joqarǵı Keńesiniń hám onıń Prezidiumınıń qararların,  basqa da sheshimleriniń orınlanıwın támiyinleytuǵın Qaraqalpaqstan Respublikasınıń mámleketlik hákimiyatınıń joqarı atqarıwshı-basqarıwshı uyımı bolıp tabıladı.
 
Qaraqalpaqstan Respublikası Ministrler Keńesi mámleketlik basqarıw uyımları hám ózi dúzgen xojalıq basqarıw uyımları sistemasın,  sonday-aq, respublikanıń aymaǵında jaylasqan Ózbekstan Respublikasına baǵınıwshı shólkemlerdi basqaradı hám olardıń óz-ara baylanıslı jumısların támiyinleydi.
 
Qaraqalpaqstan Respublikası Ministrler Keńesi Qaraqalpaqstan Respublikasınıń Konstituciyasına hám usı Nızamǵa muwapıq óz wákilliklerine kiretuǵın,  Qaraqalpaqstan Respublikasınıń qarap shıǵıwına tiyisli mámleketlik hám xojalıq basqarıw máselelerin sheshiwge haqılı.
 
Qaraqalpaqstan Respublikası Ministrler Keńesi nızam shıǵarıw baslaması huqıqına iye.
 
2-statya. Qaraqalpaqstan Respublikası Ministrler Keńesi jumısınıń tiykarǵı principleri.
 
Qaraqalpaqstan Respublikası Ministrler Keńesi óz jumısında kollegiallıq,  demokratiya hám nızamlılıq,  Qaraqalpaqstan Respublikasında jasaytuǵın barlıq milletlerdiń máplerin esapqa alıw principlerin basshılıqqa aladı.
 
3-statya. Qaraqalpaqstan Respublikası Ministrler Keńesiniń jámiyetlik birlespeler menen óz-ara qatnasıqları.
 
Qaraqalpaqstan Respublikası Ministrler Keńesi wóziniń wákilligine kiretuǵın máseleler boyınsha jámiyetlik birlespeler menen óz-ara baylanıslı háreket etedi hám olarǵa hárekettegi nızamlarǵa muwapıq zárúrli járdem kórsetedi.
 
4-statya. Qaraqalpaqstan Respublikası Ministrler Keńesiniń diniy shólkemler menen qatnasıqları.
 
Qaraqalpaqstan Respublikası Ministrler Keńesiniń diniy shólkemler menen óz-ara qatnasıqları Ózbekstan Respublikasınıń hám Qaraqalpaqstan Respublikasınıń hújdan erkinligi hám diniy shólkemler haqqındaǵı nızamları menen belgilenedi.


Qaraqalpaqstan Respublikası Joqarǵı Keńesi Prezidiumınıń 2018-jıl 24-sentyabrdegi “Qaraqalpaqstan Respublikası Ministrler Keńesiniń strukturası haqqındaǵı” 378-sanlı qararı haqqında


Qaraqalpaqstan Respublikası Joqarǵı Keńesi Prezidiumınıń 2018-jıl 24-sentyabrdegi “Qaraqalpaqstan Respublikası Ministrler Keńesiniń strukturası haqqındaǵı” 378-sanlı qararına muwapıq Ministrler Keńesi QARAR ETEDI:


    1. Qaraqalpaqstan Respublikası Joqarǵı Keńesi Prezidiumınıń 

    2018-jıl 24-sentyabrdegi “Qaraqalpaqstan Respublikası Ministrler Keńesiniń strukturası haqqındaǵı” 378-sanlı qararı orınlaw ushın basshılıqqa alınsın. 

    2. Qaraqalpaqstan Respublikası Joqarǵı Keńesi Prezidiumınıń usı qararı menen Qaraqalpaqstan Respublikası Ministrler Keńesiniń strukturası 64 (xızmet kórsetiwshi xızmetkerlerden tısqarı) basqarıw xızmetkerleri sanı menen qosımshaǵa muwapıq tastıyıqlanǵanlıǵı maǵlıwmat ushın qabıl etilsin.

    3. Qaraqalpaqstan Respublikası Ministrler Keńesi apparatınıń detallastırılǵan strukturası qosımshaǵa muwapıq tastıyıqlansın. 

    4. Qaraqalpaqstan Respublikası Ministrler Keńesiniń Isler Basqarıwshısı Finans ministrligi menen birgelikte Qaraqalpaqstan Respublikası Ministrler Keńesi apparatı xızmetkerleriniń shtatlar kestesin usı qararǵa muwapıq qayta kórip shıqsın hám tastıyıqlasın.

    5. Usı qarardıń qabıl etiliwi múnásibeti menen Qaraqalpaqstan Respublikası Ministrler Keńesiniń 2018-jıl 11-sentyabrdegi 550-sanlı qararı óz kúshin joyıtqan dep esaplansın. 

    6. Usı qarardıń orınlanıwın qadaǵalaw Ministrler Keńesi Baslıǵınıń birinshi orınbasarı A.Tajetdinov xám Isler Basqarıwshısı M.Djumaniyazovqa júklensin. 


    Qaraqalpaqstan Respublikası 

    Ministrler Keńesiniń Baslıǵı Q.Sariev

     

     

    Qoraqalpogiston Respublikasi Vazirlar Kengashi boshqaruv apparatining
    TUZILMASI