22.03.2019, Juma

Gezektegi kóshpeli tájiriybe almasıw balıqshılıq klasterinde ótkerildi (FOTO)

Qaraqalpaqstan Respublikası, Buxara hám Xorezm wálayatları rayon hákimleriniń awıl hám suw xojalıǵı máseleleri boyınsha orınbasarları gezektegi tájiriybe almasıw sabaqların Nókis rayonındaǵı «Nukus agro fish» JSHJ tárepinen shólkemlestirilgen “Balıqshılıq klasteri”nde ótkerdi.


Usı “Balıqshılıq klasteri”n inkubaciya cexında - 50 mln dana lichinka, reproduktor hám jabıq suw aylanıs sistemasında 300 tonna afrika ılaqaların baǵıw imkaniyatı bar.

Sonday-aq, keleside 10 gektar maydanda 12 dana intensiv basseynler shólkemlestirilip, 1000 tonna balıq jetistiriw jáne quwatlıǵı 1000 tonna balıq ónimlerin qayta islew (file, steyk, kotlet, sosiska, duzlaw), 400 tonna balıq ónimlerin saqlawǵa mólsherlengen muzlatqıshlı qoymaxana qurıw belgilengen.




Nátiyjede jabıq suw aylanıs sistemasında jılına 300 tonna, intensiv basseynde 1000 tonna, jámi 1300 tonna tovar balıq jetistiriledi. Sonıń menen birge 1000 tonna balıq ónimleri qayta islenedi hám 400 tonna balıq ónimleri saqlanadı. JSHJ tolıq quwatlıq penen iske qosılqannan soń 1 mln AQSH dollarlıq eksport jolǵa qoyıladı.

Maǵlıwmat orında, usı oqıw seminarları Ózbekstan Respublikası Ministrler Kabinetiniń 2018-jıl 27-dekabrdegi 03/1-3184-sanlı baǵdarlamasına muwapıq Qaraqalpaqstan Respublikası, Buxara hám Xorezm wálayatları rayon hákimleriniń awıl hám suw xojalıǵı máseleleri boyınsha orınbasarlarınıń qatnasıwında shólkemlestirilmekte.











Qaraqalpaqstan Respublikası Ministrler Keńesiniń Málimleme xızmeti