20.06.2019, Piyshembi

Qaraqalpaqstan Respublikası Ministrler Keńesiniń Baslıǵına jańa orınbasar tayınlandı

Embergenov Jengis Saǵinbaevich – Qaraqalpaqstan Respublikası Ministrler Keńesi Baslıǵınıń Sanaattı rawajlandırıw, kapital qurılıs, kommunikaciyalar hám kommunal xojalıǵı máseleleri boyınsha orınbasarı lawazımına tayınlandı.


Embergenov Jengis Saǵinbaevich – usı kúnge shekem Qaraqalpaqstan Respublikası Qurılıs ministri lawazımında islep keldi.

Embergenov Jengis Saǵinbaevichtiń 2012-2017-jıllar aralıǵında áyne usı, yaǵnıy, Qaraqalpaqstan Respublikası Ministrler Keńesi Baslıǵınıń Kapital qurılıs, kommunikaciyalar, kommunal xojalıǵı hám abadanlastırıw máseleleri boyınsha birinshi orınbasarı lawazımında jumıs alıp barǵanın atap ótiw orınlı.

Maǵlıwmat ornında, usı kúnge shekem bul lawazımda Nagmetov Sabur Idrisovich islep keldi.



Qaraqalpaqstan Respublikası Ministrler Keńesiniń Málimleme xızmeti