20.06.2019, Piyshembi

Turmıslıq shıǵındılar: jańa tarif bahaları engizildi

Qaraqalpaqstan Respublikası «Toza hudud» MUK tárepinen kórsetiletuǵın kúndelikli turmıslıq shıǵındılardı jıynaw hám tiyisli orınlarǵa alıp ketiw xızmetleri ushın jańa tarif bahaları tastıyıqlandı.



Bul haqqında usı jıldıń 7-yanvar sánesinde Qaraqalpaqstan Respublikası Ministrler Keńesiniń “Kúndelikli turmıslıq shıǵındılardı jıynaw hám toplap alıp ketiw xızmetleri ushın jańa tarif bahalaların tastıyıqlaw haqqında”ǵı 1-sanlı qararı qabıl etildi.

Qararǵa muwapıq bunnan bılay Qaraqalpaqstan Respublikası «Toza hudud» MUK tárepinen kórsetiletuǵın kúndelikli turmıslıq shıǵındılardı jıynaw hám tiyisli orınlarǵa alıp ketiw xızmetleri ushın tólenetuǵın jańa tarif bahaları fizikalakalıq shaxslar, yaǵnıy 1 puqara ushın ayına – 2100 sum, al yuridikalıq shaxslarǵa 1 m3 ushın 40 000 (qosımsha qun salıǵı menen 48 000)  sum etip belgilendi.

Maǵlıwmat ornında atap ótiw orınlı, usı kúnge shekem bul tólemler 1800 sum hám 36 000 sumdı quraǵan edi.


Qaraqalpaqstan Respublikası Ministrler Keńesiniń Málimleme xızmeti