20.06.2019, Piyshembi

Kewil aytıw


Qaraqalpaqstan Respublikası Ministrler Keńesi Ulıwma bóliminiń jetekshi qánigesi Davletiyarov Askar Esbosınovich 32 jasında biymezgil dúnyadan ótti.

Usıǵan baylanıslı Qaraqalpaqstan Respublikası Ministrler Keńesiniń miynet jámááti marhumnıń ata-anası, tuwǵan-tuwısqanları hám barlıq jaqın-juwıqlarına kewil aytadı.


A. Davletiyarov 1986-jılı Qaraózek rayonında dúnyaǵa keldi. Ol óziniń on jılǵa shamalas miynet jolı dawamında Qaraózek rayonı ekonomika hám turmıslıq xızmet kórsetiw kásip-óner kolledjinde oqıtıwshı, sonday-aq, Qaraózek rayonı hákimliginde jas óspirimler isleri boyınsha komissiyasınıń juwaplı xatkeri, shólkemlestiriw-qadaǵalaw toparınıń jetekshi qánigesi, jámiyetlik tiykarda rayon ruwxıy-aǵartıwshılıq orayınıń baslıǵı hám kancelyariya baslıǵı lawazımlarında jemisli jumıs alıp bardı.

Haq kewil, kishipeyil, talapshań jas kadr Davletiyarov Askar Esbosınovich bárimizdiń yadımızda uzaq saqlanıp qaladı.


Qaraqalpaqstan Respublikası Ministrler Keńesi