16.11.2018, Juma

Qaraqalpaqstan Respublikası Joqarǵı Keńesiniń Baslıǵı Túrkiya elshisin qabıl etti


Búgin Qaraqalpaqstan Respublikası Joqarǵı Keńesiniń Baslıǵı M.Erniyazov Turkiya məmleketiniń Ózbekstandaǵı Ayrıqsha həm tolıq huqıqlı elshisi Axmet Bashar SHen, Turkiya Densawlıqtı saqlaw ministrligi Salamatlıq siyasatları Bas Basqarması Baslıǵı Orif Chetin həmde  Turkiya birge islesiw həm muwapıqlastırıw agentligi basshısı Ali Ehson Chaǵlardı qabıl etti.

Qabıllaw məresiminde Qaraqalpaqstan Respublikası Joqarǵı Keńesiniń Baslıǵı miymanlardı respublikamızǵa saparı menen qutlıqlap, Prezidentimizdiń basshılıǵında əmelge asırılıp atırǵan keń kólemli reformalar, dóretiwshilik jumıslar menen jaqınnan tanıstırdı həm respublikamız xalqına, əsirese, balalarǵa kórsetip atırǵan medicinalıq xızmetleri ushın tereń minnetdarshılıq bildirdi.


Óz gezeginde miymanlar jıllı júzlilik penen qabıl etkeni ushın Qaraqalpaqstan Respublikası Joqarǵı Keńesi Baslıǵına óz minnetdarshılıǵın bildirip ótti.  

Maǵlıwmat ushın atap ótsek, Turkiya məmleketinen kelgen medicina xızmetkerleri 2-9-noyabr kúnleri respublikamızda bolıp, xalıqtı medicinalıq tekseriwden ótkermekte həm nawqaslarǵa, əsirese, jas balalarǵa plastik həm rekonstruktiv xirurgiyalıq əmeliyatın ótkermekte.