18.10.2018, Piyshembi

Tórtkúl rayonında Mámleketlik xızmetler orayı imaratınıń qurılısı baslandı


Ózbekstan Respublikası Prezidentiniń 2018-jıl 8-maydaǵı «Ózbekstan Respublikası Prezidentiniń rayonlar (qalalar)daǵı Xalıq qabıllawxanaları janındaǵı Mámleketlik xızmetler oraylarınıń imaratların  mámleketlik–jeke-menshik sherikligi shártleri tiykarında qurılısın shólkemlestiriw haqqında”ǵı PQ-3701-sanlı qararına tiykar Qaraqalpaqstan Respublikası Tórtkúl rayonında Mámleketlik xızmetler orayı imaratı qurılıs jumısları baslap jiberildi.  Bul haqqında Mámleketlik xızmetler agentligi Qaraqalpaqstan Respublikası basqarması xabar bermekte.

Mámleketlik xızmetler orayı imaratı qurılısı Tórtkúl rayonında jumıs alıp barıwshı “Mustafа Farm” JSHJ tárepinen ámelge asırılıp, imarattıń birinshi qabatında Mámleketlik xızmetler orayı, ekinshi qabatında sawda orayı, úshinshi qabatında miymanxana qurıw rejelestirilgen.

Sonday-aq, Mámleketlik xızmetler orayına tutas jer maydanlarında investor tárepinen Ózbekstan Respublikası Prezidentiniń 2018-jıl 3-iyun kúngi “Dene tárbiyası hám ǵalabalıq sporttı jánede rawajlandırıw is-ilájları haqqında”ǵı PQ-3031-sanlı qararına tiykar sport maydanshaların qurıw jáne aymaqtı abadanlastırıw názerde tutılǵan. 


Qaraqalpaqstan Respublikası Ministrler Keńesiniń Málimleme xızmeti