16.12.2018, Ekshembi

Qıtay Xalıq Respublikasınıń Ózbekstandaǵı Ayrıqsha hám tolıq huqıqlı elshisi Ámiwdárya rayonında boldı (+Foto)

Qıtay Xalıq Respublikasınıń Ózbekstandaǵı Ayrıqsha hám tolıq huqıqlı elshisi Jiang Yan basshılıǵındaǵı bir topar miymanlar Ámiwdárya rayonında boldı. Bul¬ haqqında rayon hákimligi xabar bermekte.

Rayon hákimi Sultonboy Ywldashevtıń basshılıǵındaǵı miymanlar dáslep Qıtay Xalıq Respublikasınıń grant qarjısı esabınan alıp kelinip Ámiwdárya rayonına ornatılǵan úskeneniń jumısı menen tanıstı.

Usı jerde Ózbekstan Respublikası Awıl xojalıǵı ministrligi menen Qıtay Xalıq Respublikasınıń keme qurıw komponiyası arasında 2015-jıl 28-sentyabrde qol qoyılǵan shártnamaǵa muwapıq grant qarjıları tiykarında Ámiwdárya rayonına 2 dana zemsnaryad hám oǵan tiyisli awısıq bólekler alıp kelingenin atap ótiw orınlı.

Grant qarjıları tiykarında alıp kelingen usı suw texnikaları rayonnıń egislik atızlarına suw jetkerip beretuǵın “SHixjamal”, “SHıǵır”, “Erlan ataw”, “Tas-jap” nasos stanciyaları jaylasqan kanallardı qazıw jumıslarında úlken áhmiyet iyeleydi. Sonday-aq, rayonda awıl xojalıǵı eginlerin úzliksiz suw menen támiyinlew, egislik jerlerdiń zúráátliligi menen fermer xojalıqlarınıń dáramatların arttırıwǵa xızmet etpekte.

Miymanlar sonıń menen birge, “Amudaryo tex” shet el kárxanasında da bolıp, kárxana tárepinen eksportqa shıǵarılıp atırǵan ónimler menen tanıstı.










Qaraqalpaqstan Respublikası Ministrler Keńesiniń Málimleme xızmeti