Qaraqalpaqstan Respublikası Ministrler Keńesi

Búgin 2023-jıl 13-fevral kúni Qaraqalpaqstan Respublikası Ministrler Keńesiniń májilisler zalında Ministrler Keńesiniń Baslıǵı F.Ermanov basshılıǵında apparat májilisi ótkerildi.

Bunda, Ministrler Keńesi Baslıǵı orınbasarlarınıń esabatı tıńlandı.

Májiliste tómendegi:

- Ekonomika tarawı – bazardaǵı azıq-ónimleri bahalarınıń tiykarsız asırılıwı, byudjet túsimleriniń óz waqtında orınlanbawı, isbilermenlik subektleriniń ashılǵanına bir jıl bolmastan jawılıp atırǵanı;

- Qurılıs – mektep, mektepke shekemgi hám taǵı basqada qurılıs obektleriniń óz waqtında sapalı qılıp pitkerilmegeni hám qarjısı sheshilgen jol qurılısınıń usı kúnge shekem tenderge qoyılmaǵanı;

- Investiciya – eksport etiwshi ónimlerimizdiń azayıp ketiwi aqıbetinde, import ónimlerine bolǵan talaptıń artıp atırǵanlıǵı, yaki, isbilermenler óz jumısların baslawı ushın tosıq bolıp turǵan mashqalalar;

-  Sociallıq taraw – mámleket xızmetshileriniń hár altı aydan medicianalıq kórikten ótiwi, jaslarımız arasında jınayatshılıqtıń kóbeyip ketpewi ushın olardıń qızıǵıwshılıǵına qarap, olardı durıs jolǵa baǵdarlaw;

- Awıl xojalıǵı – egislik jer maydanlarına suwdı tejewshi texnologiyalardan paydalanıw, yaǵnıy, suw kóp talap etetuǵın salı eginin azaytıw;

- Hayal-qızlarımızdıń múrájatların úyreniw, kúnleri ısıwı menen «Jasıl mákan» joybarınıń ámelge asırılıwı, respublikanıń hár bir aymaǵına internette jetip barıwı; 

- Málimleme siyasatı – mámleketimizde prezidentimiz tárepinen ámelge asırılıp atırǵan reformalardı keń jámiyetshilikke en jaydırıwda qala hám rayonlardaǵı Málimleme xızmetiniń jumısların ele jedellestiriw hám hár bir basshı social tarmaqlarda óziniń jeke betin ashıp, xalıqtıń tikkeley múrájatın qabıllaw hám ashıq sáwbetin jolǵa qoyıw boyınsha máseleler kórip shıǵıldı.

Sonıń menen bir qatarda, taraw basshıları tárepinen óz jumıslarına nemquraylıq penen qarаǵanlıǵı ushın tiyisli jaza sharaları qollanıldı.