28.03.2024, Piyshembi

2022-jıl 6-oktyabr kúni Mámleketlik tilde is júrgiziw tiykarların oqıtıw hám qánigeligin arttırıw orayı Qaraqalpaqstan bóliminde mámleketlik tilge baylanıslı normativ-huqıqıy hújjetler haqqında oqıw seminarı bolıp ótti.

2022-jıl 6-oktyabr kúni Mámleketlik tilde is júrgiziw tiykarların oqıtıw hám qánigeligin arttırıw orayı Qaraqalpaqstan bóliminde mámleketlik tilge baylanıslı  normativ-huqıqıy hújjetler haqqında oqıw seminarı bolıp ótti.

Seminar Qaraqalpaqstan Respublikası Ministrler Keńesi Baslıǵınıń ruwxıy-aǵartıwshılıq jumısları nátiyjeliligin arttırıw, mámleketlik til haqqındaǵı nızam hújjetlerine ámel etiliwin támiyinlew máseleleri boyınsha másláhátshisi usınısı boyınsha ótkerildi.

Seminardı Álisher Nawayı atındaǵı Tashkent mámleketlik Ózbek tili hám ádebiyatı universiteti janındaǵı Mámleketlik tilde is júrgiziw tiykarların oqıtıw hám qánigeligin arttırıw orayı Qaraqalpaqstan bólimi baslıǵı Farxad Babajanov ashtı hám alıp bardı.

Seminar dawamında Ádillik ministrliginiń bólim baslıǵı A.Uteuliev ulıwma normativ-huqıqıy hújjetler, Mámleketlik tilde is júrgiziw tiykarların oqıtıw hám qánigeligin arttırıw orayı Qaraqalpaqstan bólimi baslıǵı Farxad Babajanov mámleketlik tilge baylanıslı qabıl etilgen normativ-huqıqıy hújjetler, usı oraydıń oqıtıwshısı J.Táńirbergenov mámleketlik tilde is júrgiziw hújjetleri haqqında qatnasıwshılarǵa keń túrde túsinik berip ótti.

Seminarǵa Qaraqalpaqstan Respublikası Ministrler Keńesi Baslıǵınıń ruwxıy-aǵartıwshılıq jumısları nátiyjeliligin arttırıw, mámleketlik til haqqındaǵı nızam hújjetlerine ámel etiliwin támiyinlew máseleleri boyınsha másláhátshisi P.Dabılov hám rayon (qala) hákimleriniń másláhátshileri qatnastı.