29.03.2024, Juma

«Ralli Moynaq – 2021» avtomobiller jarısına start berildi

Aldın xabar bergenimizdey, Qaraqalpaqstan Respublikası Joqarǵı Keńesi hám Ministrler Keńesi, Ózbekstan Respublikası Bas prokuraturası hám Ózbekstan qorǵanıwǵa kómeklesiwshi «Vatanparvar» shólkemi menen birgelikte usı jıldıń 18-20-iyun kúnleri Moynaq rayonında «Ralli Moynaq – 2021» avtomobil sportı jarısları shólkemlestirilmekte.

 

Bas Prokuraturanıń xabar beriwinshe, jarıslarǵa 51 avtomobil ekipajı, 15 motocikl, 10 baggide ulıwma 127 sportshı qatnaspaqta.

 

Búgin, 18-iyun kúni rallidiń saltanatlı ashılıwı bolıp ótti. Ashılıw máresimine Qaraqalpaqstan Respublikası Ministrler Keńesi Baslıǵınıń orınbasarı R.Zarikeev qatnasıp barlıq sportshılarǵa áwmet tiledi hám jarıslarǵa start berildi.





Qaraqalpaqstan xabar agentligi.