29.03.2024, Juma

MÁHÁLLE HÁM ShAŃARAQTÍ QOLLAP-QUWATLAW MINISTRINIŃ ORÍNBASARÍ TAYÍNLANDÍ

Qaraqalpaqstan Respublikası Máhálle hám shańaraqtı qollap-quwatlaw ministriniń kekseler  hám veteranlardı qollap-quwatlaw hám sociallıq belsendiligin arttırıw boyınsha orınbasarın tayınlawǵa baǵıshlanǵan májilis bolıp ótti.
Onı Máhálle hám shańaraqtı qollap-quwatlaw ministri S.Turmanov basqarıp bardı.

Bunnan keyin Qaraqalpaqstan Respublikası Joqarǵı Keńesi Baslıǵınıń orınbasarı A.Davletov shıǵıp sóylep, elimizde Prezidentimizdiń basshılıǵında kekseler hám veteranlardı qollap-quwatlaw, olardıń turmıs sharayatların jaqsılaw boyınsha alıp barılıp atırǵan keń kólemli jumıslarǵa toqtap ótti.
Májiliste Tursınbay Abdijabbarov Qaraqalpaqstan Respublikası Máhálle hám shańaraqtı qollap-quwatlaw ministriniń kekseler  hám veteranlardı qollap-quwatlaw hám sociallıq belsendiligin arttırıw boyınsha orınbasarı etip tayınlandı. Ol usı kúnge shekem Nókis rayonı Máhálle hám shańaraqtı qollap-quwatlaw bólimi baslıǵınıń kekseler  hám veteranlardı qollap-quwatlaw hám sociallıq belsendiligin arttırıw boyınsha orınbasarı bolıp islep kelgen.


Ilajda Tursınbay Abdijabbarov shıǵıp sóylep, ózine bildirilgen isenim ushın minnetdarshılıq bildirdi hám bar bilim jáne tájiriybesin jumsaytuǵının atap ótti.
 
Qaraqalpaqstan xabar agentligi