26.11.2020, Piyshembi

Sport-Salamat turmıs tárizin qáliplestiriwdiń tiykarı

Dúnya júzinde koronavirus pandemiyası júzege keliwi nátiyjesinde adamlardıń densawlıǵına hám salamat turmıs tárizine, atap aytqanda, júrek-qan tamırı hám dem alıw jolları sonıń menen birge normadan artıq salmaq keselligi menen nawqaslanǵanlarǵa keri tásir kórsetpey qalmadı. Sonlıqtan «Salamat turmıs tárizin qáliplestiriw hám ǵalaba sporttı bunnan bılay da rawajlandırıw is-ilajları haqqında»ǵı PP-6099-sanlı Prezident pármanı qabıl etildi.

Párman menen durıs awqatlanıw, zıyanlı ádetlerden waz keshiw, sport benen turaqlı túrde shuǵıllanıw hám xalqımız arasında salamat turmıs tárizi boyınsha turmıslıq kónlikpelerdi jetilistiriw belgilep qoyılǵan.
Sonlıqtan  sport benen ǵalaba túrde shuǵıllanıwdı qáliplestiriw maqsetinde Qaraqalpaqstan Respublikası Ministrler Keńesiniń miynet jámááti hápteniń dem alıs kúninde sporttıń mini futbol, júziw hám juwırıw túrlerinen ishki jarıslar ótkerdi. Sonday-aq, trenerler menen birge  shınıǵıwlar alıp barıldı. 







QR Ministrler Keńesi Málimleme xızmeti