06.06.2020, Shembi

15-may – Xalıqaralıq shańaraq kúni

Qaraqalpaqstan Respublikası Máhálle hám shańaraqtı qollap quwatlaw ministrligi bergen maǵlıwmatqa kóre búgingi kúnde Respublikamızdaǵı 413 puqaralardıń ózin-ózi basqarıw  (MPJ, APJ, PPJ) organlarında jámi 412 mıń 263 shańaraq aǵzaları jasap kelmekte.



Xalıqaralıq shańaraq kúni Birlesken Milletler shólkeminiń 1993-jıl 20-sentyabrdegi jalpı jıynalısı qararına muwapıq pútkil dúnyada belgilenip kiyatırǵanın atap ótiw orınlı.

Sonday-aq, Ɵzbekstan Respublikası Prezidentiniń 2020-jıl 18-fevraldaǵı PP-5938-sanlı pármanı menen tastıyıqlanǵan “Abat hám qáwipsiz máhálle” principine tiykarlanǵan sistemanı nátiyjeli engiziw boyınsha “Jol kartası”nıń 19-bántinde 

15-may – Xalıqaralıq shańaraq kúnin “Shańaraq muqaddes” súreni astında joqarı dárejede ótkeriw belgilengen.

Usı tiykarda Qaraqalpaqstan Respublikası Ministrler Keńesiniń 2020-jıl 11-may kúngi “15-may Xalıqaralıq shańaraq kúni múnásibeti menen “Shańaraq muqaddes” súreni astındaǵı ilajlardı ámelge asırıw haqqında”ǵı arnawlı bayanlaması qabıl etildi.

Bayanlama tiykarında 2020-jıldıń 11-16-may kúnleri Respublikalıq Ǵalaba xabar qurallarında shańaraqlıq qádiriyatlardı bekkemlewge qaratılǵan kórkem, hújjetli, multiplikaciyalıq filmler, teatr spektaklleri hám rolikler, úlgili shańaraqlardan reportajlar, sonday-aq, “Ibratlı shańaraq” sıyaqlı Respublikalıq tańlawlar shólkemlestirilmekte.

Maǵlıwmat ornında: “Shańaraq muqaddes” súreni astındaǵı ilajlar 2020-jıldıń dekabr ayına shekem dawam etedi.


Qaraqalpaqstan Respublikası Ministrler Keńesiniń Málimleme xızmeti


👉 Kanalǵa aǵza bolıw - @QresMinistrlerKenesi