06.06.2020, Shembi

«Nawayı kán-metallurgiya kombinatı» moynaqlı 300 shańaraqqa 14 atamadaǵı azıq-awqat ónimlerin úlestirdi

Búgin Prezidentimiz baslaması menen shólkemlestirilgen «Saqawat hám kómek» ulıwmaxalıqlıq háreketin qollap-quwatlaǵan «Nawayı kán metallurgiya kombinatı» tárepinen  Moynaq  rayonındaǵı  sociyalıq qorǵawǵa mútáj jámi 300 shańaraqqa azıq-awqat ónimleri tarqatıldı. 



Kombinat tárepinen rayonǵa jetip kelgen saqawatlıq járdem 14 atamada bolıp onıń muǵdarı hár bir xojalıqqa 129 kilogramm kóleminde, yaǵnıy bir million sumnan zıyatttı quraydı. 


 Atap aytqanda, materiallıq járdem hár bir xojalıq basına 50 kg un, 5 kg aq may, 3 latok mayek, 9 kg gósh, 10 kg geshir, 20 kg kartoshka, 10 kg piyaz, 5 kg makaron, 0,5 kg chay, 5 kg gúrish, 1 kg grechka, 1 kg perlovka, 5 kg qumsheker, 1 kg jarma, 5 dana sabın ónimlerin qamtıp alǵan.  


– Házirgi karantin jaǵdayında bizge qaratılıp atırǵan úlken ǵamxorlıǵı  ushın aymaqtaǵı barlıq shańaraqlar qatarında bárinen burın, Prezentimizge, sonday-aq,  «Nawayı kán-metallurgiya kombinatı» miynet jámáátine úlken minetdarshılıq bildiremiz!-deydi, «Jayxun» mákán puqaralar jıyınıń turǵını T.Dáwletova 



Moynaq rayonı hákimligi  Málimleme xızmeti