04.08.2020, Siyshembi

Xalıq deputatları Xojeli rayonlıq Keńesiniń birinshi sessiyası bolıp ótti

 Búgin Xojeli rayonı úlken májilisler zalında Xalıq deputatları Xojeli rayonı Keńesiniń birinshi sessiyası bolıp ótti.


   Onda Qaraqalpaqstan Respublikası Ministrler Keńesiniń Baslıǵı Qahraman Sariev qatnastı. 


Sessiya kún tártibinde 6 (altı) másele kórip shıǵıldı. 

Atap aytqanda,  2019-jıl 22-dekabr kúni bolıp ótken saylawlardıń hám 2020-jıl 5-yanvardaǵı qayta dawıs beriwdiń nátiyjeleri boyınsha rayon saylaw komissiyasınıń baslıǵı Sh.Niyazımbetov maǵlıwmat berdi.


Xojeli rayonı hákimin tayınlaw haqqındaǵı Qaraqalpaqstan Respublikası Joqarǵı Keńesi Baslıǵı M.Erniyazovtıń  biyligin Qaraqalpaqstan Respublikası Ministrler Keńesi baslıǵı Q.Sariev oqıp esittirip, Jengis Ermashev Maratovichti rayon hákimi lawazımına tastıyıqlanǵanı menen shın kewilden qutlıqladı hám xalıq saylaǵan deputatlarǵa aldaǵı jumıslarına tasqın tabıslar tiledi.  

Sessiyada sonday-aq, Xalıq deputatları Xojeli rayon Keńesiniń Reglamenti hám turaqlı komissiyaları tuwrısındaǵı Nızamı tastıyıqlanıp, Xalıq deputatları Xojeli rayon Keńesiniń turaqlı komissiyaları dúzildi hám Xalıq deputatları Xojeli rayonlıq Keńesine saylanǵan deputatları partiya toparlarına dizimge alındı.

Sonıń menen birge,  Qaraqalpaqstan Respublikasi Joqarǵı Keńesi, rayonlıq Keńesiniń Qospa májilis Másláhát Keńesine Xojeli rayonlıq Keńesine 9-sanlı «Nurlı jol» saylaw okruginen deputat Abdreymov Orazimbet Omirbaevichtiń talabanlıǵı tastıyıqlandı.

Usınıń menen Xalıq deputatları Xojeli rayonı Keńesiniń birinshi sessiyası óz jumısın juwmaqladı.

     Xojeli rayonı hákimliginiń málimleme xızmeti

👉 Telegram kanalımızga aǵza bolıń - https://t.me/QRMinistlerKenesi