22.11.2019, Juma

Bozataw hám Taxtakópir rayonlarına xızmet transportları tapsırıldı

Búgin Ózbekstan Respublikası Veterinariya hám sharwashılıqtı rawajlandırıw mámleketlik komiteti tárepinen Bozataw hám Taxtakópir rayonları Veterinariya hám sharwashılıqtı rawajlandırıw bólimine Niva Shevrolet, arnawlı laboratoriyalıq áspab-úskeneler ornatılǵan «Damas» hám eki dana «motocikl» transport quralları saltanatlı jaǵdayda tarsırıldı.


Onda Ózbekstan Respublikası Veterinariya hám sharwashılıqtı rawajlandırıw mámleketlik komiteti basqarma baslıǵı M.Yusupov hám Qaraqalpaqstan Respublikası Veterinariya hám sharwashılıqtı rawajlandırıw mámleketlik komitetiniń baslıǵı B.Qurbaniyazov qatnastı.


Maǵlıwmat ornında atap ótiw orınlı, Húrmetli Prezidentimiz Sh.M.Mirziyoevtiń usı jıldıń 20-21-avgust kúnleri Qaraqalpaqstanǵa saparı dawamında hár bir rayon hám qalanıń ózine tán ózgeshelikleri hám imkaniyatlarınan kelip shıǵıp, olardı túrli  tarawlarǵa qánigelestiriw boyınsha usınıslar bergen edi.


Sonıń ishinde,  Bozataw, Taxtakópir, Moynaq hám Qońırat rayonları sharwashılıqqa qánigeisiwi belgilendi.


Házirgi waqıtta bul rayonlarda usı tarawdı rawajlandırıw boyınsha bir qatar unamlı jumıslar alıp barılmaqta. 


Qaraqalpaqstan Respublikası Ministrler Keńesiniń Málimleme xızmeti