21.10.2019, Dúyshembi

Jalǵız baslı nuraniy ataǵa jańa turaq jay tapsırıldı

Moynaq rayonı «Tallı ózek» mákan puqaralar jıyını aymaǵında jasawshı jalǵız baslı puqara, 75 jaslı nuranıy ata S. Pazılbekovǵa jańa turaq jaydıń gilti tapsırıldı. Bul haqqında rayon hákimliginiń málimleme xızmeti xabar berdi.



Nuraniy atamız 25 jıldan berli sharayatsız turaq jayda jalǵız jasap keldi. 

– Bul kunge jetkergenine allaǵa mıń shúkir etemen, bul ushın bárinen burın, Húrmetli Prezidentimizge, sonday-aq, Qaraqalpaqstan húkimetine ayrıqsha minnerdarshılıq bildiremen. – deydi S.Pazılbekov. 


Maǵlıwmat ornında atıp ótiw orınlı, rayonda bul baǵdardaǵı ilajlar dawam etpekte. Ózbekstan Respublikası Prezidenti Sh.M.Mirziyoevtiń Moynaq rayonın sociallık-ekonomikalıq jaqtan rawajlandırıw boyınsha bergen tapsırmalarınan kelip shıǵıp, házirgi waqıtta Bas prokuror baslaması menen rayonda jasawshı 22 jalǵız baslı pukaralardan awır awxaldaǵı 8 pukaraǵa hám 3 kem támiyinlengen shanaraqlar ushın jana turaq jaylar qurılmaqta. 

Usı kúnge kelip rayonda jasawshı 1 jalǵız baslı puqara hám 1 kem támiyinlengen shańaraqqa jańa turaq jaylar tapsırıldı.



Qaraqalpaqstan Respublikası Ministrler Keńesiniń Málimleme xızmeti