21.07.2019, Ekshembi

ÓzMTDP tárepinen turmıslıq shıǵındılardı jıynaw ornı qurıp berildi

ÓzMTDP Nókis qalalıq Keńesi tárepinen «Qurılısshı» MPJna qaraslı 20-sanlı kishi rayondaǵı 16,  17,  18,  19,  20-sanlı úylerdiń janına aymaq puqaraları ushın turmıslıq shıǵındılardı jıynaw ornı qurıp berildi.



ÓzMTDP Nókis qalalıq Keńesi tárepinen Nókis qalası aymaǵındaǵı barlıq MPJda «Úyme-úy» joybarı tiykarında turaqlı túrde ushırasıwlar ótkerilip kelinbekte. 

Ushırasıwdı ótkeriwdegi tiykarǵı maqset – partiya baǵdarlaması hám saylawaldı Platformasında belgilengen wazıypalarınan kelip shıǵıp «Úyme-úy» joybarı tiykarında MPJdaǵı jaǵdaylardı úyrenip,  xalıq penen ushırasıp,  olardıń mashqalaların sheshiwde tiyisli jumıslardı ámelge asırıwdan ibarat.


Búgingi aymaq turǵınlarına  tapsırılıp atırǵan turmıslıq shıǵındılardı taslaw ornı da usınday ushırasıwlardıń birindegi xalıq múrájatları tiykarında,   ÓzMTDP Nókis qalalıq Keńesi baslıǵı A.Nurumbetova hám «EKOSAN» ekologiya hám salamatlıq qayırqomlıq jámiyetlik fondınıń Qaraqalpaqstan aymaqlıq shólkemi,  Ózbekstan Respublikası Oliy Majlis janındaǵı mámleketlik emes kommerciyalıq emes fondlardı hám puqaralıq  jámiyettiń basqa da institutların qollap-quwatlaw boyınsha jámiyetlik fondınan,  «Xalıqtıq sociallıq,  ekologiyalıq,  medicinalıq mádeniyatın arttırıwda sociallıq isbilermenlik,  turizmniń innovaciyallıq túrlerin ámelge asırıwda mámleketlik emes kommerciyallıq emes shólkemlerdiń jumısların kúsheytiw» temasında bahası 29, 0 mln swmlıq «Mámleketlik uyımlar menen sociallıq infrastrukturanı rawajlandırıwǵa sapalı kommunal xızmet kórsetiwge,  xalıqtıń jasaw shárayatların jaqsılawǵa kómeklesiw» grant-joybarı   esabınan ámelge asırıldı.

ÓzMTDP baspasóz xızmeti